Ысык-Көлдө Борбор Азиядагы сейрек кездешүүчү жаныбарлар үчүн биринчи реабилитациялык борбор курулууда

Ысык-Көл мамлекеттик жаратылыш коругунун аймагында “Ак Илбирс” илимий-реабилитациялык борбору курулууда. Бул тууралуу Жаратылыш ресурстар, экология жана техникалык көзөмөл министрлиги билдирди Борбордун аянты 1600 чарчы метрге жакын Ананьево айылында курулуп жатат. Иштин жүрүшү менен жаратылыш ресурстары министринин биринчи орун басары Жеңиш Сейдалиев жана Татарстандын экология жана жаратылыш ресурстары министри Азат Зиганшин барышты Борбордун курулушу жаратылыш ресурстары, экология жана техникалык көзөмөл министри Акыл Токтобаев менен Азат Зиганшиндин жолугушуусунда да талкууланды Жаратылыш ресурстары министрлигинен билдиришкендей, комплекстин курамына илимий лаборатория, административдик жана ветеринардык блоктор, ошондой эле жапайы жаныбарларды реабилитациялоо борбору кирет Акыл Токтобаевдин айтымында, курулуш иштери тездетилген график боюнча жүрүп жатат. Курулуш иштерин ушул жылдын август айынын аягына чейин бүтүрүү пландалууда "Биз үчүн долбоордун өз убагында бүткөрүлүшү жана эң жогорку талаптарга жооп берген заманбап борбордун түзүлүшү маанилүү. Түзүлгөн борбор илимий изилдөөлөрдү, ветеринардык жардамды жана жаныбарлардын сейрек кездешүүчү жана жоголуп бараткан түрлөрүн реабилитациялоону бириктирген Борбор Азиядагы биринчи адистештирилген комплекс болот", - деди министр Ошол эле учурда борборду заманбап лабораториялык жабдуулар менен жабдуу иштери башталды. Улуттук илимдер академиясы, министрликтин тиешелүү бөлүмдөрү жана ветеринардык кызматтар менен биргеликте экологиялык мониторинг, ветеринардык диагностика, генетикалык изилдөө жана биологиялык ар түрдүүлүктү сактоо программаларын илимий жактан камсыз кылуу үчүн техникалык шарттар даярдалып, жабдуулардын тизмеси аныкталган “Биз келечектеги “Ак Илбирс” борборун Илбирсти жана анын экосистемаларын сактоо боюнча Глобалдык Программанын алкагында илимий кызматташуу, тажрыйба алмашуу жана ак илбирс жашаган мамлекеттердин биргелешкен экологиялык демилгелерин ишке ашыруу үчүн эл аралык аянтча деп эсептейбиз”, - деп кошумчалады Акыл Токтобаев