Ысык-Көлдө кар көчкү алдында калган Италиядан келген турист куткарылды (видео)

4-майда Ысык-Көл облусунун Жети-Өгүз районунда кар көчкү жүрүп, анын астында чет элдик турист түшкөн. Бул тууралуу Өзгөчө кырдаалдар министрлигинен кабарлашты Ведомстводон билдиришкендей, окуя болжол менен Барскоон-Ак-Шыйрак унаа жолунун 64-чакырымында болгон. Кар көчкү тоонун боорунан түшүп, бирок жолго жеткен эмес Куткаруу иштерине Ысык-Көл облусунун ӨКМнин куткаруучулары, «Кумтөр Голд Компани» ишканасынын жана No3 ЖТИнин кызматкерлери тартылган. Жеринде жалпысынан 23 адам иштеген Натыйжада Италиядан келген турист 1967-жылы туулган Г.Р., Кумтөр Голд Компанинин кызматкерлери жана ӨКМдин куткаруучулары тарабынан куткарылып калган Андан соң Ысык-Көл облустук бириккен ооруканасына жеткирилген