Казакстан менен Орусиянын чек арасында бир нече чакырымга созулган жүк ташуучу унаалардын кезеги түзүлдү

Актөбө облусундагы казак-орус чек арасында жүк ташуучу унаалардын кезеги пайда болду. Тыгындын келип чыгышына россиялык тараптын транспортту кабыл алуу көрсөткүчүнүн төмөндөшү себеп болгонун Казакстандын Каржы министрлигинин Мамлекеттик кирешелер комитети билдирди, деп маалымдайт РИА Новости 8-июнь күнү социалдык түйүндөрдө өткөрүү пунктундагы бир нече чакырымга созулган тыгындын видеолору пайда болгон МККнын айтымында, эки өлкөнүн чек ара инфраструктурасынын мүмкүнчүлүктөрүндөгү айырма кошумча жүктү жаратууда. Алсак, Казакстандын “Жайсан” автокөзөмөлүндө төрт тилкелүү кыймыл болсо, Орусиянын “Сагарчын” өткөрмө бекетинде эки гана тилке бар "Учурда коңшу тарап жүк ташуучу унааларды кабыл алуу көрсөткүчүнүн төмөндөшү байкалууда. Өткөрүү пункттарынын ортосундагы инфраструктуралык дисбаланс да олуттуу таасирин тийгизүүдө", — деп айтылат комитеттин билдирүүсүндө Ведомство белгилегендей, учурдагы инфраструктуралык мүмкүнчүлүктөр менен транспорт агымынын көбөйүшү жүк ташуучу унаалардын бир калыпта өтүшүнө жана кезектердин пайда болушуна алып келет Кошумчалай кетсек, Мамлекеттик кирешелер комитети бул багытта унаалардын тыгыны дем алыш күндөрү чек арага көп сандагы унаалар топтолуп калгандан кийин үзгүлтүксүз байкалаарын түшүндүрдү Жайсан өткөрмө бекети Актөбө облусунун Мартук районунда жайгашкан жана Орусиянын Оренбург облусундагы Сагарчин өткөрүү пункту менен чектешет