Ал киши рулду буту менен кармап, унааны айдап бара жаткан. Аны таап, штраф салып, лицензиясынан ажыраталы деп жатышат

«Кыскача» (АКИpress) - Патрулдук милиция бөлүмү унааны буту менен рулду башкарып бара жаткан айдоочуга айып пул салды Бишкек ШИИБдин басма сөз кызматы билдиргендей, айдоочу унааны колу менен эмес, буту менен айдап, жол эрежесин одоно бузган «Мындай аракеттер жол кырсыгынын реалдуу коркунучун жаратат жана бардык жол кыймылынын катышуучуларынын өмүрүнө жана ден соолугуна коркунуч туудурат», - деп айтылат билдирүүдө Айдоочунун өздүгү такталып, унаа айып жайга киргизилип, тартип бузуучуга карата протокол түзүлдү «Топтолгон материалдар мыйзамда белгиленген тартипте айдоочуну транспорт каражатын башкаруу укугунан ажыратуу маселесин кароо үчүн сотко жөнөтүлөт», - деп кошумчалады УПКнын басма сөз кызматы 2022-жылы ушул эле айдоочуга ушундай эле эреже бузуу үчүн 8500 сом айып салынган