Египеттин Луксор шаарында Жаңы Падышалык дооруна таандык эки тарыхый мүрзө зыяратчылар үчүн ачылды

Египеттин түштүгүндөгү Луксор шаарынын Эль-Хокха аймагында жайгашкан Аменхотеп Рабоуя (TT416) жана уулу Самуттун (TT417) тарыхый мүрзөлөрү көп жылдардан бери жүргүзүлгөн казуу жана реставрация иштеринен кийин зыяратчыларга ачылганы билдирилди 2015-жылы жүргүзүлгөн казууларда табылган жана 18-Династияга (Жаңы Падышалык) таандык мүрзөлөр дубалдардагы ошол доордун күнүмдүк турмушун жана сөөк коюу ырым-жырымдарын чагылдырган сүрөттөрү менен көңүлдөрдү бурууда Египеттин жергиликтүү медиасынын маалыматына караганда, Египеттин туризм министри Шариф Фетхи, Луксордун губернатору Абдулмутталиб Умара жана байыркы эстеликтер жогорку кеңешинин башкы катчысы Хишам Афифи Луксордун аль-Хоха аймагында эки тарыхый мүрзөнү ачышты Кабарларда 2015-жылдагы казууларда табылган мүрзөлөрдүн 18-династияга (Жаңы Падышалык) таандык экени жана комплекстүү реставрациядан кийин биринчи жолу зыяратчыларга ачылганы белгиленди Дубалдарында мезгилдин күнүмдүк турмушун жана сөөк коюу ырым-жырымдарын чагылдырган сүрөттөрү бар мүрзөлөрдүн Жаңы Падышалык доорунун искусство жана архитектура түшүнүгүнө жарык чачары айтылды Кабарда реставрация иштери дубал сүрөттөрүн сактоо менен эле чектелбестен, мүрзөлөрдүн архитектуралык түзүлүшүн чыңдоо жана зыярат кылуучу инфраструктураны жакшыртууну камтыганы белгиленген Иштердин алкагында дубалдардагы тарыхый көрүнүштөр сезимтал техникалар менен калыбына келтирилип, жаракалар оңдолуп, түстөр бекемделип, корголуп, чогулган урандылар тазаланганы айтылды Ошондой эле зыяратчылардын аймакка оңой келүүсү үчүн жыгачтан жасалган аянтчалар жана заманбап жарыктандыруу системасы орнотулуп, сырткы короо иретке келтирилип, таш тепкичтер курулганы маалым болду Мүрзө аймагына араб жана англис тилдеринде маалымат такталары коюлуп, зыяратчылар үчүн көлөкө жана отургучтар түзүлүп, аймакты таанытуучу брошюра даярдалганы айтылды Ачылыш аземинде Министр Фетхи менен Тарых эстеликтери Жогорку Кеңешинин башкы катчысы Афифи да реставрация иштерине катышкан археологиялык топ менен жумушчуларды сыйлашканы айтылды Кабарда эки мүрзөнүн тең 18- династия доорунда кеңири колдонулган «Т» формасындагы архитектуралык планы бар экендиги белгиленди Мүрзөлөрдүн горизонталдуу залдарында күнүмдүк турмушту чагылдырган көрүнүштөр, узун коридорлордо сөөк коюу ырым-жырымдарынын сүрөттөрү бар экени айтылды Кабарда көрүстөндөрдүн кийинки мезгилдерде кайра колдонулганы, бул процессте жаңы бөлмөлөр жана көрүстөн кудуктары сыяктуу кошумча архитектуралык элементтердин курулганы да маалымдалды Билдирүүдө, Рабоуя мүрзөсүндөгү айыл чарба иштерин жана жаназа ырым-жырымдарын көрсөткөн көрүнүштөрдүн өзгөчөлөнүп, «Рененутет кудайына насаат курмандыгын» көрсөткөн сейрек сүрөттүн көңүлдөрдү бурганы белгиленди Ал бүтө элек болсо да, Самут мүрзөсүндө жогорку сапаттагы көркөм жасалгаларга ээ болгондугу жана мезгилдин көркөм түшүнүгүнө байланыштуу маанилүү деталдарды камтыганы айтылды