Марокколук расмий: Турак жай саясаты биздин өлкөдө мамлекеттик артыкчылыктардын бири болуп саналат

Жакырчылык адамдардын негизги кызматтарга жетүүсүн чектейт, ал эми турак жай социалдык туруктуулуктун негизги элементтеринин бири болуп саналат Бул тууралуу Марокко Королдугунун Шаар куруу, турак-жай жана шаар саясаты министрлигинин турак-жай иштери боюнча мамлекеттик катчысы Адиб Бенбрахим WUF13 алкагында өткөн “Социалдык инклюзия жана жакырчылыкты жоюу үчүн турак-жай менен камсыздоо” панелдик талкуусунда билдирди «Бүгүнкү күндө турак-жайга болгон чыгымдар орто кирешелүү жарандардын кирешесинин чоң бөлүгүн түзүп, натыйжада адамдардын ден соолук, билим берүү сыяктуу күнүмдүк керектөөлөрүн канааттандыруу мүмкүнчүлүгү төмөндөп жатат», - деп баса белгиледи ал Марокколук аткаминердин айтымында, өлкөдө турак-жай саясаты мамлекеттик артыкчылыктардын бири катары аныкталган: “Турак жай – жакырчылыкты кыскартуунун негизги инструменттеринин бири” Министр өз өлкөсүндө мамлекеттик-жеке өнөктөштүктүн алкагында ишке ашырылып жаткан социалдык турак-жай программасынын аркасында 720 миң үй-бүлөгө турак-жай берилгенин кошумчалады Панелдин жүрүшүндө ал ошондой эле узак мөөнөттүү пландаштыруу жана инновациялык каржы механизмдери социалдык инклюзияны камсыз кылуу боюнча мамлекеттик саясатта өзгөчө мааниге ээ экендигин баса белгиледи Анын айтымында, турак жай турак жай маселеси гана эмес, экономикалык жана социалдык интеграциянын негизги шарттарынын бири