"Моля, не нервируй меня". Мөлдір Әуелбековаға қатысты жазба неге қоғамның ашуын туғызды?

Қазақ шоу-бизнесінде тағы бір дау қоғам назарын аударды. Продюсер Баян Алагөзова мен блогер Нұрлан Әлімходжаевтың әнші Мөлдір Әуелбековаға қатысты қалжыңы әлеуметтік желіде қызу талқыға түсті. Бір тарап мұны әзіл ретінде қабылдаса, екінші тарап көпшілік алдында адамды мазақ ету мен қорлаудың шекарасынан асып кеткен әрекет деп бағалады. Бұл жағдай жұлдыздар арасындағы кикілжіңнің ғана емес, қоғамдағы буллинг мәселесін көтерді Алматыдағы Орталық стадионда өткен КешYou тобының мерейтойлық концертінен кейін ұйымдастырылған after party кезінде Баян Алагөзоваға арнайы жазуы бар жейде сыйға тартылған. Онда "Моля, не нервируй меня!" және "Ұстазым!" деген сөздер жазылған еді. Видеода продюсердің бұл сөздерді қайталап, өзге шоу-бизнес өкілдерінің күліп отырғаны көрінеді. Кейін бұл кадрларды блогер Нұрлан Әлімходжаев жариялап, Мөлдір Әуелбекованың КешYou концертіне қатыспау туралы шешімін сынаған жазба қалдырды Публикация от Нурлан Алимходжаев (@nuchi_amazing) Алайда желі қолданушылары бұл әрекетті қолдамады. Көпшілік адамның жеке шешімін келемеждеу дұрыс емес екенін айтып, жазба авторлары мен оған қатысқандарды буллинг жасады деп айыптады Баян Алагөзова мен Мөлдір Әуелбекова арасындағы келіспеушілік жаңа басталған жоқ. Продюсер КешYou-дың 20 жылдығына арналған деректі фильмде әншінің бұрын "сатқындық жасағанын" мәлімдеп, мерейтойлық концертке қатыспау туралы шешімін сынаған. Алайда соңғы жағдай қоғам назарын концертке қатыспау мәселесінен гөрі, танымал адамдардың ашық буллинг жасап жатқанына аударды Бұл жағдайға қатысты пікір білдірген PR CULT креатив агенттігінің жетекшісі, Астанадағы ЕҚЫҰ-ның (ОБСЕ) аккредитациядан өткен PR және медиа сарапшысы, BCPD AIFC бизнес-тренері Салтанат Әскербекқызы танымал тұлғалардың мұндай әрекеті қоғамдағы буллинг мәдениетін қалыпты құбылыс ретінде көрсетуі мүмкін екенін айтады "Жалпы адам мәдениеті, этикасы, әдебі, иманы, адамгершілігі мен репутациясы бір-бірінен алыс жатқан ұғымдар емес. Мұның бәрі өзара тығыз байланысты. Пиар мен коммуникация саласында адамның беделі оның ісі мен сөзіне, айтқаны мен істегенінің сәйкестігіне қарай қалыптасады. Адам әдемі сөйлеп, жақсы нәрселер айтуы мүмкін, бірақ іс жүзінде мүлде басқа мінез көрсетуі ықтимал. Сондықтан бұл мәселелердің бәрі бір-бірімен сабақтас", – деді ол Сол себепті маман буллинг мәселесін заң тұрғысынан реттеу маңызды деп санайтынын жеткізді. Себебі буллинг те, сталкинг те – психологиялық қысымның бір түрі. Біз көбіне зорлық-зомбылық дегенде тек физикалық күш қолдануды елестетеміз. Алайда халықаралық стандарттар бойынша адамға жақтырмай қарау, кемсітіп сөйлеу, елемеу, мысқылдау, көпшілік алдында келемеждеу де психологиялық зорлық-зомбылыққа жатады "Коммуникация мен PR тұрғысынан алғанда, танымал тұлғалар өзінің беделіне қатысты этика, әдеп және мәдениет мәселелерін әрдайым ескеруі керек. Өйткені олардың әлеуметтік желідегі парақшалары, күнделікті әрекеттері мен айтқан сөздері қоғам үшін белгілі бір деңгейде тәрбие құралы саналады. Біз қандай контентті көрсетсек, қандай мінез-құлықты қалыпты құбылыс ретінде ұсынсақ, оның бәрінің тәрбиелік әсері болады. Психологияда "айна нейрондары" деген ұғым бар. Адам басқа біреудің әрекетін көргенде оны қайталауға бейім келеді. Бұл – ми жұмысының табиғи ерекшелігі. Сондықтан біз тәрбие, құндылық, тектілік туралы бекер айтпаймыз. Бала кішкентайынан біреудің затын алмауды, өтірік айтпауды, ешкімді ұрмауды үйренеді. Егер мұндай тәрбие болмаса, адам өз бетінше кетуі мүмкін. Сол себепті танымал тұлғалар әлеуметтік желілерде біреуді кекету, мұқату немесе буллингке ұқсас әрекеттерді насихаттаса, оның салдары болады. Бұл құбылысты біз бүгінде мектептерде ғана емес, балабақшаларда да көріп жүрміз. Балалар ересектерден көргенін қайталайды. Сондықтан қоғам алдындағы адамдар өзінің әрекетінің өзгелерге әсер ететінін түсінуі қажет", – деді сарапшы Маманның айтуынша, мұндай әрекет адамның мәдениеті мен тәрбиесінің деңгейін көрсетеді. Адамның қандай ортада тәрбиеленгені, қандай құндылықтарды бойына сіңіргені оның әрекетінен көрінеді. Егер отбасында біреуді келемеждеу, сыртынан сөз айту қалыпты құбылыс болса, кейін ол бала да қоғамда дәл сондай әрекетті қайталауы мүмкін "Кез келген беделді, қоғам алдында жүретін адам өзінің беделін ойласа, бұндай қылықтарға жол бермейді. Толыққан, кемелденген тұлға басқа адамның құқығын сақтайды, шекарасын аттамайды, кемсітпейды. Бұның бәрі – бойда не бар, не жоқ қасиет. Ол болмаса, не үшін оны тұлға деп қараймыз? Сахнаға шығып әдемі өлең айтып жылтырағанмен, арғы жағында не жатыр, сол маңызды. Әркімнің құндылығы өзінде: біреу үшін материалдық құндылық жоғары, ақша үшін адамгершіліктен де атып кетіп жатады. Ал біреу үшін бірінші кезекте адамгершілік, ар-ұят, иман, ешкімге қиянат жасамағаны маңызды. Сондықтан бедел осы құндылыққа негізделеді. Адамның шынайы болмысы осындай эмоция тудыратын жағдайда шығады. Баянмен кезінде бір жерде жұмыс істедік. Жаман адам деп айта алмаймын. Бірақ камзолға байланысты оқиға да болды, одан кейін мына буллинг мәселесі болып жатыр. Бұл коммуникация стратегиясының жоқтығы, беделімен жұмыс істемеу. Адам эмоциясы арқылы өзіне осылай зиян келтіре береді. Халық ақымақ емес, сондықтан бірнеше рет осындай эмоцияға байланысты қылықтар көрсету абырой бермейді", – деді ол Оқи отырыңыз: Қыз Жібектен – Баян сұлуға дейін: Камзол дауы "Қазақфильм" жәдігерлерін түгендеуге түрткі бола ма Сарапшының айтуынша, адамдар арадағы мәселені бір-бірімен сөйлесіп, өзара шешуі керек "Өкінішке қарай, дамушы мемлекеттерде, біздің қоғамда бұл мәдениет жетіспейді. Балаға да елдің көзінше зіркілдей береміз, жұмыста да қызметкерге басқаның көзінше айғайлай береміз. Балаға айтатын нәрсең болса, жеке өзің айтасың. Топтағы адам қателік жасаса, қателігін жеке өзіне айт. Тұлға болып қалыптасқан адамның керемет көрсеткіші – біреудің қателігіне түсінікпен қарай білу, көңілге келгенді жеке айту, мазаққа айналдырмау. Төле бидің "Атадан бала туса игі, ата жолын қуса игі, өзіне келер ұятын өзі біліп тұрса игі" деген сөзі бар. "Ата жолын қуу" деген – алған тәрбиені іспен көрсетіп, ұрпаққа жалғастыру. "Өзіне келер ұятты білу" деген – этика, мәдениет. Өкінішке қарай, бүгінгі таңда ұят деген түсінікті бұрмалап, стереотипке айналдырып жібердік. Шын мәнінде, ұят деген – мәдениет деген сөз. Бір адамның екінші адамға ыңғайсыз жағдай жасамауы, "өзіме ұят болады" деп ойлануы. Ал мазақ қылу, келеке қылу – есеймеген адамның ісі. Өкінішке қарай, дүние жүзінде де, Қазақстанда да есеймеген ересек көп", – деді сарапшы Салтанат Әскербекқызы кез келген танымал тұлға өзінің эмоциясын басқаруды үйренуі керек екенін айтты "Бүгінгі таңда адам баласының эмоциясы шапшып тұрған заманда әлеуметтік желі оны одан сайын күшейтіп жатыр. Осы фактімен жұмыс істеу керек. Мен эмоционалды басқарудың тренері ретінде айтайын, өзіңді өзің басқармасаң, осындай әртүрлі жағдайға тап боласың. Әлеуметтік желіде зорлық-зомбылық, буллинг, мазақтау, дөрекілікті көрсету сияқты видеолар ашық, қолжетімді болғандықтан, қоғамда да осындай мінез-құлық басым болады. Сондықтан кез келген танымал тұлға осыны ескеруі керек. Ол қаласа да, қаламаса да, іс-әрекеті, қылығы адамдарға әсер ететінін, адамдар тыңдайтынын, үлгі тұтатынын, еліктейтінін естен шығармауы керек", – деді ол Оқи отырыңыз: Буллинг құрбаны ма? 15 жастағы жасөспірімнің денесі зират маңынан табылды Осы тақырыптар бойынша жаңалықтар мен мақалалар