«Мугалим кадырлуу адам болуш керек» - Пикир

"Бүгүнкү күндө мектепте мугалимдин эң чоң көйгөйү билим берүү эмес, өзүн коргоо болуп саналат. Анткени көп учурда мугалим класста жалгыз калат. Көптөгөн мугалимдерге этикасыз мамиле жасалып, ата-энелер келип мугалимди күнөөлөп, социалдык тармактарда мугалимдерди линчке алууда. Бирок бул мугалим кандай шартта иштейт деп эч ким сурабайт" Бул тууралуу 525.az агенттигине билим берүү боюнча эксперт Амрах Хасанли билдирди. Эксперттин айтымында, мугалим кол тийгис инсан болбосо да, кадыр-барктуу адам болушу керек: "Мугалимди кемсинтип, орой мамиле жасап, психологиялык басым жасоону кадыресе көрүнүш катары кабыл албаш керек. Анткени акыркы жылдары кээ бир ата-энелер мугалимди малай катары көрө башташты. Бала үйдөн туура тарбия албай, мектепке келип, мугалимди сыйлабай жатат. Эң коркунучтуу жери мугалим баланы сындагандан ансыз деле коркуп калганы. Анткени эртең бул жагдай ага каршы көптөгөн видеотасмалар, социалдык тармактарга да тарап кетээрин билет. Мындай абал сөзсүз түрдө билим берүүгө терс таасирин тийгизет”