Казакстандын Туризм министрлиги: Көк-Жайлаудагы лыжа базасынын долбоору жактырылды

Казак коомунда талаш-тартыш жараткан "Алматы SuperSki" долбоору керектүү уруксаттарды алды. Бул тууралуу Туризм жана спорт министри Эрбол Мырзабосынов өкмөттүн маалымат жыйынында билдирди. Анын айтымында, долбоор экологиялык экспертизадан, илимий анализден жана коомдук угуулардан өткөн. Ал эми аны иштеп чыгуучулар айлана-чөйрөгө, топуракка, суу ресурстарына, флора жана фаунага мүмкүн болуучу кесепеттерди, ошондой эле калктын ден соолугуна тийгизген таасирин изилдешкен Курулуш долбоорун иштеп чыккан «Казак туризмди өнүктүрүү» компаниясынын башкы аткаруучу директору Ержан Эркинбаев Көк-Жайлоо трактындагы коммерциялык компонент жеке инвесторлор тарабынан каржыланарын билдирди. Азыр ал жалгыз акционери Казакстандын өкмөтү болгон «Байтерек» инвестициялык холдингинин каражатына сатылууда «Бюджеттин эсебинен мейманканаларды, жатаканаларды, туризм жана коммерциялык инфраструктураларды куруу туура эмес», - деди ал. – Бирок суу менен камсыздоо системалары, асма жолдор жана лыжа трассалары кайсы өлкөдө болбосун мамлекеттин эсебинен курулган инфраструктуралык долбоорлордун катарына кирет Казак туризмин өнүктүрүү уюмунун маалыматы боюнча, лыжа базасы жыл сайын бир миллионго жакын чет элдик туристтерди кабыл алып, өзүн «тез эле» актай алат Көк-Жайлоо тилкесинде курортту өнүктүрүү боюнча талкуулар 2018-жылы башталган. Көз карандысыз экологдор жана активисттер асма жолдорду, мейманканаларды жана ар кандай туристтик инфраструктураларды курууну камтыган Алматы тоо кластерин өнүктүрүү планына каршы чыгышкан. Алар одоно кийлигишүү экологиялык системалардын деградациясына, флора менен фаунанын өлүшүнө жана Казакстандын эң ири шаарында жана анын айланасындагы тоолордо экологиялык абалдын жалпы начарлашына алып келет деп кооптонушат. 2019-жылы президент Касым-Жомарт Токаев белгилүү экологдордун пикирине таянып, курулушка ачык тыюу салган. Бирок жети жылдан кийин ал Алматыда жана Алматы облусунда лыжа туризминин инфраструктурасын өнүктүрүүгө буйрук берген 26-майда Алматыда коомдук угуулар жаңжал менен аяктады. Курулушка каршы чыккандар суроо бере албаганына нааразы болушту. Активист Арманжан Байтасов залдан чыгарылып, Медеу райондук милиция бөлүмүнө жеткирилди. Ошол эле күнү кечинде административдик сот ага “коомдук тартипти бузган” деп айып салган Azattyq Asia – Эркин Европа/Азаттык радиосунун Борбор Азия боюнча орус тилдүү бөлүмү, Азаттык Azattyk Asia © 2026 RFE/RL, Inc. | Бардык укуктар корголгон