Курулуш министрлиги Бишкек - ​​Аламүдүн - Ысык-Ата жолундагы иштердин сапатын текшерди (фото)

Курулуш министрлиги Бишкек-Аламүдүн-Ысык-Ата унаа жолунун Чүй облусундагы тилкесинде жеринде лабораториялык текшерүү жүргүздү. Эксперттер лабораториялык текшерүү үчүн өзөктөрдү тандап алышкан КР Курулуш, архитектура жана турак жай-коммуналдык чарба министрлигинен билдиришкендей, министр Нурдан Орунтаевдин тапшырмасы боюнча автожолдордун курулушунун жана реконструкциясынын сапатына көзөмөлдү күчөтүү максатында рейддер уланууда Кезектеги текшерүүнүн алкагында Республикалык курулушту сертификациялоо борборунун жана Курулуш министрлигине караштуу Мамлекеттик архитектура-курулуш көзөмөл департаментинин кызматкерлери Бишкек – Аламүдүн – Ысык-Ата жолунун Чүй облусунун Ысык-Ата районунда жайгашкан тилкесинде жеринде лабораториялык текшерүү жүргүзүштү Текшерүү учурунда адистер лабораториялык текшерүү үчүн өзөктөрдү тандап алышкан. Изилдөөнүн натыйжалары боюнча аткарылган иштердин долбоордук документтерге, курулуш нормаларына жана техникалык регламенттерге шайкештигине баа берилет Министрлик мындай текшерүүлөр байма-бай жүргүзүлүп жатканын белгиледи. Алар жол инфраструктурасынын объектилеринин ишенимдүүлүгүн, коопсуздугун жана бекемдигин камсыз кылууга, ошондой эле аткарылган иштердин сапаты үчүн подряддык уюмдардын жоопкерчилигин жогорулатууга багытталган