Энергетика министрлиги курулуш иштерин жүргүзүүдө курулуш уюмдарынын жоопкерчилигин жогорулатууну талап кылат

Энергетика министрлигинде Бишкектин айрым керектөөчүлөрүнүн электр энергиясы убактылуу өчүрүлүшүнө алып келген авария боюнча кеңейтилген ведомстволор аралык жыйын өттү Катышуучулар окуянын келип чыгуу себептерин, анын электр менен камсыздоо системасына тийгизген таасирин, ошондой эле келечекте мындай окуялардын алдын алуу чараларын карап чыгышты Жыйында белгилүү болгондой, 28-майда курулуш объектисинин өкүлдөрүнө электр тармактарынын коопсуздук зонасында иштерди жүргүзүүдө коопсуздук талаптарын так сактоо керектиги тууралуу расмий билдирүү берилген. «Бирок, бул талаптар аткарылбай, жогорку чыңалуудагы электр зымдары бузулуп, авариялык абалга алып келди», - деп айтылат министрликтин маалыматында Жыйындын катышуучулары энергетикалык инфраструктура объектилеринин жанында жүргүзүлүп жаткан курулуш жана жер казуу иштерин энергия менен камсыздоочу уюмдар менен милдеттүү түрдө координациялоо зарылдыгын баса белгилешти Жыйындын жыйынтыгында мамлекеттик органдардын жана курулуш тармагынын өкүлдөрүнүн катышуусунда профилактикалык, түшүндүрүү иш-чараларын көбүрөөк өткөрүү чечими кабыл алынды. Мындан тышкары, электр тармактарынын коопсуздук зоналарында коопсуздук талаптарын бузгандыгы үчүн жоопкерчиликти күчөтүү боюнча сунуштар иштелип чыкты. Энергетика министрлиги курулуш жана подряддык уюмдарды энергетикалык объектилердин жанында жумуштарды аткарууда коопсуздук талаптарын так сактоого чакырат. Белгиленген нормаларды бузуу керектөөчүлөрдү электр менен камсыздоонун үзгүлтүккө учурашына гана алып келбестен, адамдардын өмүрүнө жана ден соолугуна коркунуч келтириши мүмкүн. Эске салсак, 2026-жылдын 6-июнунда Howo үлгүсүндөгү жүк ташуучу унаа 110 кВ «Парковая – Ала-Арча» аба электр чубалгысынын зымы бузулган. Окуядан улам борбор калаанын айрым керектөөчүлөрү убактылуу электр энергиясыз калышты Энергетика министрлиги курулуш жана подряддык уюмдарды энергетикалык объектилердин жанында жумуштарды аткарууда коопсуздук талаптарын так сактоого чакырат. Белгиленген нормаларды бузуу керектөөчүлөрдү электр менен камсыздоонун үзгүлтүккө учурашына гана алып келбестен, адамдардын өмүрүнө жана ден соолугуна коркунуч келтириши мүмкүн Эске салсак, 2026-жылдын 6-июнунда Howo үлгүсүндөгү жүк ташуучу унаа 110 кВ «Парковая – Ала-Арча» аба электр чубалгысынын зымы бузулган. Окуядан улам борбор калаанын айрым керектөөчүлөрү убактылуу электр энергиясыз калышты