Депортация коркунучу астында медициналык текшерүү: Орусия мигранттар үчүн жаңы эрежелерди киргизди

Россиянын президенти Владимир Путин чет элдик жарандарды медициналык кароодон өткөрүү эрежелерин катаалдаштырган мыйзамдар пакетине кол койгонун РИА Новости расмий укуктук актылардын сайтына шилтеме берүү менен билдирди. Тартип бузгандарга чоң айып пул салынып, өлкөдөн чыгарылып кетиши мүмкүн Басылманын маалыматына ылайык, 2026-жылдын 1-сентябрынан тарта милдеттүү медициналык текшерүүдөн өтүүнүн бирдиктүү мөөнөтү киргизилет – Орусияга кирген күндөн тартып 30 күндүн ичинде. Бул эреже эмгек мигранттарына, ошондой эле өлкөгө 90 күндөн ашык кирген чет элдиктерге тиешелүү. Алар ВИЧке, коркунучтуу инфекцияларга жана баңгизатты колдонууга текшерүүдөн өтүшү керек. Экспертизанын акысын чет өлкөлүктөр өздөрү төлөйт, бирок чыгымдарды жумуш берүүчүлөр же жумуштун жана кызматтын кардарлары көтөрүшү мүмкүн. Бул текшерүү жыл сайын жүргүзүлүшү керек Ошондой эле 10-июндан тарта клиникаларга мындай экспертизаларды өткөрүү тартибин бузгандыгы үчүн санкциялар колдонула баштады. Жарандар үчүн 25 миңден 100 миң рублга чейин, кызмат адамдары үчүн 100 миңден 200 миң рублга чейин, юридикалык жактар ​​үчүн 300 миңден 1 миллион рублга чейин айып пул салынат. Медициналык уюмдардын ишин 90 күнгө чейин административдик токтотуу мүмкүнчүлүгү да бар