"Медеу" муз аянтчасындагы унаа токтотуучу жай убактылуу жабылды

Алматыдагы "Медеу" муз аянтчасынын аймагындагы унаа токтотуучу жай бүгүнтөн тарта убактылуу жабылат. Чектөө жыл аягына чейин уланат, дешет шаардык курулуш башкармалыгынын өкүлдөрү Анткени комплекстин аймагында курулуш-монтаждоо иштери жүрүп жатат. Коопсуздук эрежелери муну талап кылат. Адистер шаар тургундарына жана зыяратчыларга сапарын алдын ала пландап, коомдук транспортту же альтернативдүү каттамдарды колдонууга кеңеш беришет. Деңиз деңгээлинен 1700 метр бийиктикте жайгашкан Медеу дүйнөдөгү эң бийик тоолуу спорт комплекстеринин бири. Объект өткөн жылдын октябрь айынан бери оңдоодон өткөн. Долбоордун алкагында инженердик инфраструктураны жаңылоо жана зыяратчылар үчүн ыңгайлуу шарттарды түзүү пландалууда. Реконструкциялоо иштерин 2027-жылдын төртүнчү кварталына чейин бүтүрүү пландалууда. Буга байланыштуу комплекстин аймагында этап менен убактылуу чектөөлөр киргизилиши мүмкүн