ЭИК бизнеске козголгон кылмыш иштеринин экономикага келтирилген зыянын баалоону сунуштады

Эл аралык ишкерлер кеңеши (ЭИК) ишкерлерге каршы мыйзамсыз козголгон кылмыш иштери өлкө экономикасына алып келе турган экономикалык зыянды талдап чыгууну сунуштады. Бул маселе Башкы прокуратурага караштуу Ишкерлердин жана инвесторлордун укуктарын коргоо боюнча консультативдик кеңештин жыйынында көтөрүлдү ЭИКтин аткаруучу директору Аскар Сыдыков ченемдик укуктук актыларды даярдоонун сапатына, коомдук талкуулоо жол-жоболорун сактоого жана жөнгө салуучу таасирди талдоого өзгөчө көңүл буруу керектигин айтты. Ал ошондой эле ченемдик-укуктук документтерди иштеп чыгууга бизнес өкүлдөрүнүн активдүү катышуусун камсыз кылууну сунуштады Жолугушуунун катышуучулары ишкерлерге кошумча талаптарды белгилей турган прокурордук чара көрүүнүн айрым актыларын колдонууну өзүнчө талкуулашты. Бизнес-коомчулуктун өкүлдөрү алардын учурдагы мыйзамдарга жана практикалык максатка ылайыктуулугунун маанилүүлүгүн белгилешти Бизнес-коомчулуктун өкүлдөрүнүн айтымында, мындай практика компаниялардын ишмердүүлүгүнө, инвестициялык активдүүлүгүнө жана жалпы бизнес климатына таасирин тийгизиши мүмкүн. Буга байланыштуу ЭИК мүмкүн болгон экономикалык кесепеттерге талдоо жүргүзүү демилгесин көтөрдү