Мангыстаудагы дагы бир айыл ичимдиктен баш тартты

Мангыстау облусунун Каракия районундагы Болашак айылы расмий түрдө “алкоголсуз айыл” макамын алды. Бул тууралуу Lada.kz порталы билдирди Демилге Каракыя районунун прокуратурасынын координациялоосу жана тиешелүү мамлекеттик органдардын колдоосу менен ишке ашты. Анын негизги максаты коомдук тартипти чыңдоо, кылмыштуулуктун алдын алуу жана тургундар арасында сергек жашоо образын жайылтуу болуп саналат Райондук администрациядан билдиришкендей, бул багыттагы иштерди системалуу жүргүзүү максатында тараптардын ортосунда кызматташуу боюнча меморандумга кол коюлган Жергиликтүү ишкерлер да бул демилгени колдоп, айылда спирт ичимдиктерин сатууга жана колдонууга жол бербөө боюнча иш-чараларды биргеликте ишке ашырууга макулдашышты. Ошону менен бирге жаштар арасында тарбиялык иштерди жүргүзүү, кылмыштуулуктун алдын алуу жана коомдук коопсуз чөйрөнү түзүү пландалууда Адистердин айтымында, бул демилге айылдагы коомдук коопсуздукту күчөтүп, тургундардын жашоо сапатын жакшыртууга оң салым кошот Белгилей кетсек, акыркы жылдары “алкоголсуз айыл” долбоору Мангистау облусунда кеңири колдоого алынган. Мындай конуштарда кылмыштуулуктун деңгээли төмөндөп, коомдук тартип чыңдалган