“Балдар үчүн улуттук фонд” программасы өз жемишин бере баштады

“Балдар үчүн улуттук фонд” программасы реалдуу натыйжасын бере баштады. Программанын алкагында казакстандык жаштар турак-жай маселесин чечип, каражатты билимге активдүү колдонууда. Бүгүнкү күнгө чейин катышуучулар жалпысынан 58 миллион долларга жакын инвестиция салышкан. Анын ичинен 37 миллион долларга жакыны турак-жай шарттарын жакшыртууга, 21 миллиондон ашууну билим берүү тармагына жумшалган. Белгилей кетсек, программа 2024-жылдын февраль айында башталган. Жыл сайын ар бир бала улуттук фонддун инвестициялык кирешесинен үлүш алат. Жыйынтыгында программага башынан бери катышып жаткан балдардын жыйымы 370 доллардан ашты. Жарандар өз эсептерин eGov порталы, eGov мобилдик тиркемеси жана банк кызматтары аркылуу текшере алышат