Тажикстанда нөшөрлөп жааган жамгыр жана селден улам үйлөрдү суу каптап, инфраструктура бузулду

Тажикстанда 30-апрелдеги нөшөрлөп жааган жамгырдан кийин ондогон турак жайларды жана короо-сарайларды суу каптады.Бийликтер келтирилген зыяндын көлөмүн тактап жатканын "Азаттык" радиосунун тажик кызматы Тажикстандын Өзгөчө кырдаалдар комитетине шилтеме берүү менен билдирди Ведомстводон билдиришкендей, жамгырдын кесепетинен эки медициналык мекеменин жер төлөсүн, анын ичинде Душанбедеги No1 төрөт үйүн жана тез жардам ооруканасын суу каптаган. Шаардын бир катар көчөлөрүндөгү турак жайларга да суу кирген Рудаки районунда орто мектептин имаратын суу каптап, бир катар айылдарда жеке менчик тилкелерди жана жер төлөлөрдү суу каптаган. Калктуу конуштардын биринде чарбалык объектилер, май куюучу жай, кирпич заводу жана 50 гектардан ашык айыл чарба жери жабыркаган Сел Гиссар районун да каптап, айылдардын биринде жолдун 200 метрдей бөлүгүн ылай басып калган. Дагы бир конушта мектеп имаратына суу жана ылай кирип, окуучулар коопсуз жайга эвакуацияланган Хатлон облусунда турак үйлөр, жолдор жана айыл чарба жерлери жабыркаган. Дангарада бийликтердин маалыматы боюнча 30дан ашык үй жабыркаган Согди облусунда үйлөр жана инфраструктура бузулуп, Исфара шаарында жол көпүрөсү да жабыркаган. Бобожон Гафуров районунда сел жүрүп, чарбалык үлүштөрдү, көмөкчү имараттарды жана айыл чарба жерлерин, анын ичинде буудай, картошка жана пахта эгиндерин жараксыз абалга келтирди Өзгөчө кырдаалдар комитети учурда дарыялардагы суунун деңгээли көзөмөлгө алынып, бардык жолдор жана ашуулар ачык, унаалардын кыймылы камсыздалганын билдирди. Куткаруу кызматтары кырсыктын кесепеттерин жоюуну улантууда Azattyk Asia © 2026 RFE/RL, Inc. | Бардык укуктар корголгон