Ливан парламентинин спикери Израил менен ок атышууну токтотуу келишимин толук ишке ашыруунун шарттарын жарыялады

Ливан Израил менен кургакта, абада жана деңизде толук жана ар тараптуу ок атышпоону камсыз кылуу позициясын ээлейт Бул тууралуу Ливан парламентинин спикери Набих Берри билдирди, деп жазат IRIB агенттиги «Биздин позициябыз кургакта, абада жана деңизде эч кандай шартсыз толук жана ар тараптуу ок атышууну токтотуу», - деди парламенттин спикери Израил менен жетишилген ок атышууну токтотуу режиминин шарттарын аткаруу боюнча макулдашуу жөнүндө Н.Берри белгилегендей, «буфердик аймак» түшүнүгү кабыл алынгыс «Биз Израилдин чыгып кетишин жана жер которгондордун кайтып келиши менен бир убакта Ливандын армиясынын аймакка киришин гана кабыл алабыз», - деп баса белгиледи парламенттин спикери «Толук ок атышпоо келишимине жетишилгенден кийин, Израил армиясын Ливандын аймагынан жана Литани дарыясынын түштүгүнөн «Хезболла» тобун бир эле убакта чыгарып кетүү боюнча сүйлөшүүлөрдү жүргүзөбүз», - деди ал талкуулардын келечектеги багыттары тууралуу айтып жатып АКШнын Мамлекеттик департаменти 4-июнда Израил менен Ливандын делегациялары АКШдагы сүйлөшүүлөрдүн жыйынтыгы боюнча ок атышууну токтотуу режиминин шарттарын аткаруу боюнча макулдашууга жетишкенин жарыялады Буга чейин Израилдин премьер-министри Биньямин Нетаньяху өлкөнүн түндүк аймактарынын коопсуздугун камсыздоо үчүн Ливандын түштүгүндө буфердик аймак түзүлөрүн билдирген Эске сала кетсек, 2026-жылдын 28-февралында АКШ менен Израил Иранга каршы аскерий операцияларын баштап, бир катар шаарларга абадан сокку урган. Ошол күнкү соккулардын натыйжасында Ирандын жогорку лидери Али Хаменеи набыт болгон. Буга жооп кылып Иран Израилдин аймагына ракеталык сокку урган жана Перс булуңундагы өлкөлөрдөгү америкалык аскерий базаларга чабуул жасаган Хизболла Иран менен согушуп, Израилге ракета жана учкучсуз учактарды атуу менен кошулгандан кийин, Израилдин Коргоо күчтөрү Ливандын түштүгүнө жана радикал топтун инфраструктурасы жайгашкан Бейруттун түштүк чет жакаларына сокку урду. Израил да Ливандын түштүгүндөгү кургактагы операциясын кеңейтти Иран, АКШ жана алардын союздаштары 8-апрелге караган түнү эки жумалык ок атышпоо тууралуу макулдашты.Кийинчерээк АКШнын президенти Дональд Трамп ок атышпоо келишимин белгисиз мөөнөткө узартты 16-апрелде АКШнын президенти Дональд Трамп Израил менен Ливан 10 күндүк ок атышпоо режимин ишке ашыруу боюнча макулдашканын билдирди. Ал ок атышпоо үч жумага узартыларын 24-апрелде билдирди Май айынын ортосунда АКШнын Мамлекеттик департаментинин басма сөз катчысы Томми Пиготт "X" социалдык тармагына Ливан менен Израилдин ортосундагы ок атышпоо режими 45 күнгө узартыларын жазган Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат