Орусия менен байланышы үчүн жарандыктан ажыратылган

Британдык мурдагы полициячы Марк Буллен Орусия менен байланышы бар деген шектенүү менен жарандыктан ажыратылган биринчи британ жараны болду. Бул тууралуу Sunday Times басылмасы жазып чыкты Басылманын маалыматы боюнча, мындай чечимди Ички иштер министрлигинин башчысы Шабана Махмуд улуттук коопсуздукту эске алуу менен кабыл алган 45 жаштагы Буллен Хертфордшир полициясында он жылдан ашык кызмат өтөгөн. Акыркы жылдары ал Орусияда жашап, 2022-жылы орус паспортун алган. Британиянын Ички иштер министрлиги жарандыктан ажыратуу өзгөчө учурларда – мисалы, терроризмге шектелгендерге же касташкан мамлекеттердин кызыкчылыгына багытталган иш-аракеттерге карата колдонулат деп билдирди Басылманын маалыматы боюнча, 2024-жылдын ноябрында Булленди Лутон аэропортунда антитеррордук кызматкерлер токтотушкан. Ал чет мамлекеттин атынан «душмандык аракеттерге» катыштыгы бар деген шек менен төрт саат суралып, электрондук аппараттар да алынган. Буллен өзү эч кандай мыйзамсыз аракеттерге барбаганын айтууда The Sunday Times гезитинин жазганына караганда, ал полицияда кызмат өтөп жүргөндө Орусиянын коопсуздук күчтөрү менен байланышып, Санкт-Петербургдагы алмашуу программасына катышкан. Гезиттин айтымында, анын социалдык түйүндөрүндө кремлчил жана антиукраинга каршы материалдар жарыяланган. Ал өзү Орусияга болгон кызыгуусун СССРдин тарыхына көптөн берки ышкысы менен түшүндүрүп, орус жарандыгын алууну “өмүр бою кыялым” деп атаган Басылма мындай чаралар өтө сейрек колдонулат деп белгилейт. Белгилүү иштердин катарына Сирияга кеткен Шамима Бегумду жарандыктан ажыратуу жана АКШда орусиялык тыңчы шакек табылгандан кийин Анна Чепмандын британиялык паспортун жокко чыгаруу кирет