Дүйнөлүк жаңылыктарга кыскача сереп

АКШ менен Ирандын аскерлери бири-бирине кол салышты Америкалык аскерлер Ирандын Кешим аралындагы жер астындагы аскерий көзөмөл станциясына сокку урду. Андан тышкары Пентагон Тегеран тарабынан кемелер менен кемелерге багытталган ракеталарды жана учкучсуз учактарды атып түшүргөн. Буга чейин Тегеран америкалык авиабазаларга жана тик учактарга чабуул жасаганын жарыялаган. Жакынкы Чыгышта кырдаал курчуп, бүгүн мунайдын баасы Азия биржаларында 2 пайызга кымбаттады Мейманканадагы өрттөн 21 адам каза болгон Индиянын борбору Нью-Делидеги мейманканада өрт чыгып, 21 адам каза болду. Дагы бир нече киши жарадар болгон. Өрт имараттын биринчи кабатында жайгашкан ресторандан чыккан болушу мүмкүн. Тилсиз жоого эмне себеп болгону белгисиз. Маалым болгондой, кырсык болгон мейманканага көбүнчө студенттер жана жаш адистер көп келишет. Индиянын премьер-министри Нарендра Моди каза болгондордун жакындарына көңүл айтып, алардын ар бирине 200 миң рупийден төлөнөрүн билдирди Иш таштоодон улам аба каттамдары токтотулган Бельгияда авиадиспетчерлердин күтүүсүз иш таштоосу аба кыймылын токтотту. Брюсселдин аэропортунда жүздөгөн каттамдар кармалып турду. Нааразылык акциясын профсоюздар уюштурган. Алар 2027-жылдан баштап аба кыймылын башкаруунун жаңы санариптик борборун түзүүгө каршы. Бул өзгөртүү жумуш орундарын жоготууга алып келиши мүмкүн. Жакынкы бир нече саатта учак каттамдары кайра жанданышы мүмкүн Тропикалык бороондон улам 60 миң үй жарыксыз калды Бүгүн эртең менен Япониянын борбору Токиодо "Чанми" тропикалык бороону болду. Мегаполистин борборундагы Мегура дарыясын тайфун жууп кетти. Токионун Ханеда жана Нарита аэропортторунда 700дөй ички жана эл аралык каттамдар токтотулду. Өлкөнүн сегиз префектурасынын жүз миңдеген тургундарына эвакуациялоо сунушталды. Электр жарыгысыз калган үйлөрдүн саны 60 миңге, жабыркагандардын саны 16га жетти