Дүйнөлүк жаңылыктарга сереп салуу

АКШнын президенти Дональд Трамп ушул аптанын аягында Иран менен тынчтык келишимине жана Ормуз кысыгынын кайра ачылышына үмүттөнөрүн билдирди. Бирок расмий Тегеран бул маселе боюнча акыркы чечим чыга электигин билдирүүдө Дүйнөлүк базарда мунайдын баасы дароо 4 пайызга арзандап, Brent маркасындагы баррели 86 доллар 57 центке сатылды. Чийки заттын баасынын төмөндөшүнө Кошмо Штаттардын Иранга сокку уруудан баш тартканы жана Жакынкы Чыгышта согуштун кайра башталышынын коркунучу басылганы себеп болууда Түштүк Кореянын мурдагы президенти Юн Сук Ёл 30 жылга эркинен ажыратылды. Ал аскердик абалды жарыялоо ниетин негиздөө үчүн Пхеньяндын асманына учкучсуз учактарды учурууга буйрук берип, Түндүк Корея менен кырдаалды атайылап курчутканы үчүн ушундай жазага кесилген. Маалым болгондой, Юн үстүбүздөгү жылдын февраль айында 2024-жылдын аягында аскердик төңкөрүштү уюштурган деген айып менен өмүр бою эркинен ажыратылган Америкалык метеорологдор планетабыздагы абанын температурасын жогорулаткан "Эль-Ниньо" кубулушу башталганын жарыялашты. Себеби акыркы айларда Тынч океандын тропикалык бөлүгүндө суунун бети жылып баратат. Натыйжада 2027-жыл ысык жыл болуп, жер бетинде табигый кырсыктар тез-тез болуп, кургакчылык күчөп, эгиндер өспөй, көптөгөн өлкөлөрдүн экономикасы жабыркайт Илон Масктын SpaceX компаниясы 555 миллиондон ашык акциясын 135 долларга сатып, өзүнө 75 миллиард доллар инвестиция салган. Бүгүнкү күндө космостук технологиялар жана жасалма интеллект тармагында иштеген компания 1,8 триллион долларлык рыноктук баасы менен коомчулукка чыгып, Маск адамзат тарыхында биринчи триллионер болуп калганы бекеринен эмес