Дүйнөлүк экономика быйыл 2,5 пайызга төмөндөйт

Дүйнөлүк банк дүйнөлүк экономикалык өсүш боюнча болжолун жарыялады. Ошого жараша быйыл дүйнөлүк экономика 2,5 пайызга төмөндөйт. Бул 2019-жылдан берки эң төмөнкү көрсөткүч. Глобалдык өсүштүн төмөндөшүнө энергетикалык чийки заттын баасынын өсүшү жана Жакынкы Чыгыштагы жаңжалдан улам инфляция себеп болууда. Ал эми Түштүк Азия чөлкөмүнүн экономикасы быйыл олуттуу өсүштү көрсөтүп, 6,3 пайызга жетет. Дүйнөлүк банктын отчетуна ылайык, келерки жылы дүйнөлүк экономика 2,8 пайызга өсөт. Бирок бул иште саясий окуялардын ролу басымдуулук кылат. Банк дүйнө өлкөлөрүн инфляцияны көзөмөлдөөгө, финансылык туруктуулукту бекемдөөгө жана жумуш орундарын түзүүнү камсыздоого чакырды