Ливан-Израиль ок атышпоо 21 күнгө узартылды

АКШнын президенти Дональд Трамп АКШ, Израиль жана Ливан жетекчилеринин катышуусунда Овал кеңсесинде өткөрүлгөн жыйындан кийин социалдык медиа эсебинен процесске байланыштуу маанилүү билдирүүлөрдү жасады. Жолугушуунун абдан жемиштүү болгонун белгилеген Трамп, Вашингтондун Хизбулладан коргонуу үчүн Ливанга колдоо көрсөтө турганын жана бул алкакта Ливан башкаруусу менен кызматташа турганын билдирди. Трамп ошондой эле сионист Израилдин канкор премьер-министри Биньямин Нетаньяху менен Ливандын президенти Жозеф Аунду жакынкы келечекте Ак үйдө чогултууну пландап жатканын белгиледи Ливан менен Израилдин ортосунда 17-апрелде күчүнө кирген биринчи 10 күндүк убактылуу ок атышпоо жаңы келишим менен дагы 21 күнгө узартылды. Анткен менен Израилдин премьер-министри Биньямин Нетаньяхунун буга чейинки билдирүүлөрү ок атышпоо келишими талаадагы аскерлердин катышуусун толук токтото электигин тастыктайт. Нетаньяху ок атышпоону кабыл алганына карабастан, Израилдин Ливандын түштүгүндөгү оккупацияланган аймактардагы аскердик позициясынын сакталаарын жана аскерлердин бул линияда кала беришин кайталады Израил армиясынын 2-мартта Ливандын түштүгүнө карай баштаган катуу аба соккулары жана андан кийинки кургактык операциясы аймакта чоң гуманитардык кризиске себеп болду. Ливан өкмөтү бөлүшкөн расмий маалыматтарга караганда кол салуулардын натыйжасында жер которгон жарандардын саны 1 миллион 162 миң чегинен ашты. 17-апрелде күчүнө кирген ок атышпоонун узартылышы дипломатиялык чечим издөө үчүн кошумча убакыт бергени менен, Ливандын түштүгүндөгү оккупациялык статустун уланышы аймактагы чыңалуунун алсыз бойдон калышына себеп болууда