Кыргызстан менен Дүйнөлүк банк ирригациялык долбоорлорду ишке ашырууну талкуулашты

БИШКЕК, 16-май. Кыргыз Республикасынын Министрлер Кабинетинин Төрагасынын орун басары, Суу чарба, айыл чарба жана кайра иштетүү өнөр жай министри Эрлист Акунбеков Дүйнөлүк банктын жана Эл аралык өнүктүрүү ассоциациясынын өкүлдөрү менен өлкөнүн суу чарба тармагына инвестиция тартуу боюнча сүйлөшүүлөрдү өткөрдү Жолугушуу Кыргызстандын суу ресурстарын башкаруу жаатындагы мамлекеттик саясатынын артыкчылыктуу багыттарын ишке ашыруунун алкагында өттү Сүйлөшүүлөрдүн жүрүшүндө тараптар ирригациялык инфраструктураны модернизациялоого, суу ресурстарын башкарууну жакшыртууга жана азык-түлүк коопсуздугун камсыздоого багытталган Улуттук ирригациялык инвестициялык программанын долбоорун талкуулашты Мындан тышкары, Нарын облусунун Ат-Башы районундагы Өмүкө сугат каналынын, ошондой эле Талас облусунун Бакай-Ата жана Айтматов райондорундагы Чоң Талас каналынын долбоордук-сметалык документтерин даярдоого байланышкан маселелер каралды Жолугушуунун жыйынтыгында Эрлист Акунбеков жана Дүйнөлүк банктын өкүлдөрү тиешелүү протоколдорго кол коюшту Ирригациялык инфраструктураны өнүктүрүү Кыргызстандын айыл чарба жана суу ресурстарын башкаруу жаатындагы саясатынын негизги артыкчылыктарынын бири болуп саналат. Өлкөдө айыл чарба жерлерин суу менен камсыздоонун натыйжалуулугун жогорулатуу жана агрардык сектордун туруктуу өнүгүүсүн колдоо үчүн каналдарды жана суу чарба объекттерин модернизациялоого багытталган долбоорлор ишке ашырылууда