Кыргызстан менен БАЭ 2026-жылдын жай айына Шарджа-Ысык-Көл багыты боюнча түз аба каттамын пландаштырууда

Бул маселе “Кыргызстан аэропорттору” ААК башкармалыгынын төрагасы Манасбек Самидинов менен Бириккен Араб Эмираттарынын делегациясынын жолугушуусунда талкууланды 2026-жылдын жайкы туристтик сезонуна Шарджадан Ысык-Көлгө (Тамчы айылы) түз авиакаттамды ачуу пландалган сүйлөшүүлөрдүн негизги темаларынын бири болду. Учурда тараптар учуунун болочок программасынын параметрлерин, анын ичинде учуулардын башталышы жана жыштыгын иштеп чыгууда Бул каттамдын ачылышы Перс булуңунун өлкөлөрүнөн “Борбор Азиянын бермети” болгон Ысык-Көлдүн жээгине туристтик агымдын олуттуу өсүшүнө өбөлгө түзөт. Кыргызстандын уникалдуу жаратылышынын кооздугу, тоо курорттору, улуттук маданияты жана ачык абада эс алуу мүмкүнчүлүктөрү БАЭден жана региондогу башка өлкөлөрдөн келген коноктор үчүн дагы жеткиликтүү болот Мындан тышкары, 2026-2027-жылдардын кышкы туризм мезгилине Шарджа менен Караколдун ортосунда түз авиакаттамдарды ачуу боюнча сүйлөшүүлөр жүрүп жатат. Бул жаңы маршрут Кыргызстандын лыжа туризмин эл аралык деңгээлде илгерилетүүдөгү маанилүү кадам катары каралат жана кыш айларында Ысык-Көл облусуна чет элдик конокторду тартуу үчүн кошумча мүмкүнчүлүктөрдү түзөт Буга чейин Армениянын FlyOne Армения авиакомпаниясы Ереван-Алматы-Ереван багыты боюнча түз авиакаттамдарды ишке киргизип, Казакстандын авиация рыногуна киргени кабарланган