Кыргызстан Джунда мунай заводун модернизациялоонун жүрүшүн карап чыкты

БИШКЕК, 8-май. Кыргыз Республикасынын Министрлер Кабинетинин Төрагасынын орун басары, Суу чарба, айыл чарба жана кайра иштетүү өнөр жай министри Эрлис Акунбеков Кара-Балта шаарындагы «Чайна Петрол Компани» ЖАКтын «Джунда» нефтини кайра иштетүүчү заводунда болуп, ишкананы модернизациялоо иштеринин жүрүшү менен таанышты Иш сапардын алкагында Акунбеков заводду модернизациялоонун абалына баа берүү боюнча жеринде кеңешме өткөрдү. Жыйынга тиешелүү мамлекеттик органдардын жетекчилери, ошондой эле заводдун жетекчилиги жана кызматкерлери катышты Талкууда ички рынокту күйүүчү-майлоочу майлар менен камсыздоого багытталган оперативдүү маселелер каралды Акунбеков тиешелүү мамлекеттик органдардын өкүлдөрү менен бирге нефтини кайра иштетүүчү заводду модернизациялоонун учурдагы этабы менен таанышып, өндүрүштүк кубаттуулуктардын даярдыгына баа берди. Жолугушууда ошондой эле заводдун аймагында индустриалдык паркты куруу боюнча инвестициялык долбоорду ишке ашыруу боюнча презентация болду Долбоордун өлкөнүн өнөр жайын өнүктүрүү, мунай иштетүү потенциалын жогорулатуу жана жаңы жумуш орундарын түзүү үчүн мааниси баса белгиленди Отурумдун жыйынтыгында модернизациялоо иштерин өз убагында аяктоо боюнча бир катар көрсөтмөлөр берилди, аларды үстүбүздөгү жылдын ичинде аяктоо пландалууда