Кыргызстан Улуу Британиядан сезондук жумушчулар үчүн квоталарды көбөйтүүнү суранды

Кыргызстандын бийлиги учурдагы сезондук жумушчулар программасынын алкагында Улуу Британияда республиканын жарандарын ишке орноштурууга квоталарды кеңейтүү маселесин талкуулоону демилгеледи. Бул тууралуу Жогорку Кеңештин Эл аралык иштер боюнча комитетинин төрайымы Эльвира Сурабалдиева менен Улуу Британиянын элчиси Николас Боулердин жолугушуусунун жыйынтыгында белгилүү болгонун парламенттин басма сөз кызматы билдирди Өз кезегинде Николас Боулер британ тараптын эки өлкөнүн парламенттеринин ортосундагы өз ара сапарларды жана байланыштарды чыңдоого кызыкдар экенин ырастады. Соода-экономикалык жана инвестициялык өз ара аракеттенүүнүн келечегин талкуулоонун жүрүшүндө жолугушуунун катышуучулары бардык деңгээлдеги эки тараптуу кызматташтыкты тереңдетүүгө даяр экендиктерин билдиришти