Кыргызстан Өзбекстан жана Ооганстан менен биргелешкен долбоорлорду талкуулады

Кыргыз Республикасынын Министрлер Кабинетинин Төрагасынын Биринчи орун басары Данияр Амангелдиев Казань шаарында “Россия – Ислам дүйнөсү: KazanForum 2026” форумунун алкагында Өзбекстандын жана Ооганстандын делегациялары менен соода-экономикалык жана гуманитардык долбоорлорду талкуулоо боюнча сүйлөшүүлөрдү өткөрдү Өзбекстандын вице-премьер-министри Жамшид Ходжаев менен жолугушууда тараптар энергетика, айыл чарба жана бизнес тармагындагы келишимдердин аткарылышынын жүрүшүн кеңири карап чыгышты. Амангелдиев өлкөлөр ортосундагы өнөктөштүк ар тараптуу стратегиялык өнөктөштүктүн негизинде өнүгүп жатканын белгиледи Сапардын программасы Ооганстандын Жогорку билим берүү министри Неда Мохаммад Надим башында турган делегация менен жолугушуу менен уланды. Тараптар гуманитардык өз ара аракеттенүү жана илим тармагындагы кызматташтык маселелерине басым жасашты Ооганстандын өкүлдөрү Кыргызстандын жогорку окуу жайларында кадрларды даярдоо тажрыйбасына кызыгышты. Жолугушуулардын жыйынтыгында Данияр Амангелдиев Кыргызстан өнөктөш мамлекеттер үчүн өз ара кызыкчылык туудурган бардык чөйрөлөрдө конструктивдүү диалогду улантууга даяр экенин ырастады