Кыргызстан менен Кипр 2027-2028-жылдарга кызматташуу программасына кол коюшту

Бишкек (АКИpress) – Тышкы иштер министри Жээнбек Кулубаев 8-июнда республикага биринчи расмий сапары менен келген Кипрдин тышкы иштер министри Константинос Комбос менен сүйлөшүүлөрдү өткөрдү Тышкы иштер министрлиги билдиргендей, жолугушууда тараптар эки тараптуу кызматташуунун учурдагы абалын жана келечегин талкуулашты. Кулубаев Кыргызстандын мындан аркы соода-экономикалык, инвестициялык, билим берүү жана маданий-гуманитардык чөйрөлөрдө өз ара аракеттенүүгө даярдыгын белгиледи. Туризм тармагындагы кызматташтыкты өнүктүрүүгө өзгөчө көңүл бурулду Маектешүүлөр ошондой эле Кыргызстандын 2027-2028-жылдарга БУУнун Коопсуздук кеңешинин туруктуу эмес мүчөлүгүнө шайлоо маселесин талкуулашты. Константинос Комбос кыргыз тарапты шайланышы менен куттуктап, алдыдагы иштерине ийгиликтерди каалады. Өз кезегинде кыргыз тарап кипрлик министрге Коопсуздук Кеңешиндеги ишмердүүлүгүнүн негизги артыкчылыктары тууралуу маалымат берди Сүйлөшүүлөрдө 2026-жылдын биринчи жарымында Кипрдин ЕБге төрагалык кылуусунун контекстинде Кыргызстан менен Европа Бирлигинин ортосундагы кызматташуу маселелерине көңүл бурулду. Кыргыз Республикасынын Тышкы иштер министрлигинин башчысы социалдык-экономикалык реформаларды ишке ашырууда, демократиялык институттарды өнүктүрүүдө жана адамдык капиталды туруктуу өнүктүрүүдө Европа Биримдигинин колдоосун жогору баалады Ошол эле учурда Жээнбек Кулубаев бир тараптуу санкциялык чаралардын Кыргызстандын соода-экономикалык жана каржылык өнүгүүсүнө терс таасирин тийгизиши мүмкүн экендигине тынчсыздануусун билдирип, республиканын ачык диалогго жана өз ара пайдалуу чечимдерди издөөгө умтулуусун баса белгиледи Сүйлөшүүлөрдүн жыйынтыгында Кыргызстан менен Кипрдин Тышкы иштер министрликтеринин ортосундагы 2027-2028-жылдарга кызматташуу программасына кол коюлду Тараптар ошондой эле эки тараптуу негизде да, Кыргызстандын Евробиримдик менен өнөктөштүгүнүн алкагында да саясий диалогду жана практикалык өз ара аракеттенүүнү улантууга даяр экендиктерин ырасташты