Кыргызстан менен Белоруссия Ишкерлер кеңешин түзүп, Акчабарда келишимдердин пакетине кол коюшту

Беларусь Республикасынын Премьер-министри Александр Турчиндин Кыргызстанга болгон расмий сапарынын жыйынтыгы боюнча тараптар соода, өнөр жай, айыл чарба, билим берүү, маданият жана аймактар аралык кызматташтыкты камтыган документтер пакетине кол коюшту Сүйлөшүүлөрдүн негизги жыйынтыктарынын бири ишкер кеңешти түзүү боюнча келишимге кол коюу болду. Жаңы платформа эки өлкөнүн ишкер чөйрөлөрүнүн ортосундагы түз байланыштарды бекемдөө, биргелешкен долбоорлорду ишке ашырууга көмөктөшүү жана соода-экономикалык кызматташтыкты кеңейтүү максатында иштелип чыккан Кошумчалай кетсек, Кыргызстан менен Беларустун өкмөттөрү улуттук айдоочулук күбөлүктөрдү өз ара таануу жана алмаштыруу келишимине кол коюшту. Ошондой эле эки өлкөнүн тиешелүү министрликтеринин ортосунда эмгек, социалдык коргоо жана миграция жаатында кызматташуу боюнча макулдашууга жетишилди Тараптар айыл чарба тармагына өзгөчө көңүл бурушту. Эки мамлекеттин айыл чарба министрликтеринин ортосунда үрөнчүлүк жаатында кызматташуу меморандумуна, ошондой эле айыл чарба жана азык-түлүк тармагындагы кызматташуу боюнча биргелешкен кыргыз-беларус кичи комитетинин биринчи отурумунун протоколуна кол коюлду Техникалык жөнгө салуу жаатында Кыргызстан менен Беларустун стандартташтыруу жана сертификаттоо боюнча улуттук уюмдарынын ортосунда шайкештикти баалоо жана маалымат алмашуу маселелеринде өз ара аракеттенүүнү караган макулдашуу түзүлдү Санариптик кызмат көрсөтүүлөрдү жана электрондук коммерцияны өнүктүрүү «Кыргыз почтасы» ААК менен «Белпочта» РЭБинин ортосундагы кызматташуу жөнүндө меморандум менен колдоого алынат Тараптар ошондой эле аймактар аралык кызматташууну кеңейтишти. Ысык-Көл облусу менен Беларустун Витебск облусунун ортосунда соода-экономикалык, илимий-техникалык жана маданий-гуманитардык тармактарда кызматташуу боюнча келишимге кол коюлду Билим берүү тармагында Жусуп Баласагын атындагы Кыргыз улуттук университети менен А.С.Пушкин атындагы Брест мамлекеттик университетинин ортосунда келишимдер түзүлдү Документтердин пакетине ошондой эле эки өлкөнүн филармонияларынын, музейлеринин жана маданий мекемелеринин ортосундагы биргелешкен долбоорлорду иштеп чыгууга, көргөзмөлөрдү алмашууга жана гуманитардык байланыштарды чыңдоого багытталган кызматташуу тууралуу макулдашуулар бар Кол коюлган документтер мамлекеттер аралык деңгээлде да, эки өлкөнүн бизнес, билим берүү жана маданият уюмдарынын ортосундагы кыргыз-беларус кызматташтыгын кеңейтүүдөгү кезектеги кадам болуп калды Кабардар болуңуз! Биздин Telegramга жазылыңыз