Кыргызстан менен Беларусь бизнес форумунда 5,1 миллион долларлык келишимге кол коюшту

Бишкекте эки өлкөнүн ишкер чөйрөлөрүнүн жана алдыңкы компанияларынын жетекчилери катышкан “Кыргызстан-Беларусь” экономикалык кызматташуунун эл аралык форуму аяктады. Бул тууралуу КР Соода-өнөр жай палатасынын басма сөз кызматы билдирди Жолугушуулардын практикалык жыйынтыгы кыргыз жана белорус ишканаларынын ортосунда жалпы суммасы 5,1 млн долларга 20га жакын келишимдерди, контракттарды жана меморандумдарды түзүү болду Макулдашуулар айыл чарба жана атайын техникаларды жеткирүү, ошондой эле курулуш, камсыздандыруу, фармацевтика, тамак-аш өнөр жайы жана соода тармагында кызматташууну камтыйт Форумда тармактык панелдик талкуулар да болду. Катышуучулар агроөнөр жай комплексиндеги биргелешкен долбоорлорду, санариптик трансформацияны, экспорттук каржылоо инструменттерин жана бизнести колдоону талкуулашты