Кыргызстан менен Түркия тоо-кен тармагындагы кызматташууну талкуулашты

Жолугушууда тараптар тоо-кен тармагындагы кыргыз-түрк кызматташтыгынын келечегин талкуулашты. Биргелешкен геологиялык чалгындоо иштерине, пайдалуу кендерди чалгындоо, өндүрүү, байытуу жана кайра иштетүү боюнча тажрыйба жана заманбап технологиялар менен бөлүшүүгө өзгөчө көңүл бурулду Ошондой эле кадрларды даярдоо, адистерди стажировкадан өткөрүү, сейрек кездешүүчү элементтер жана маанилүү минералдар боюнча биргелешкен илимий долбоорлорду ишке ашыруу маселелери талкууланды Министрликтин маалыматы боюнча, Акыл Токтобаев 2026-жылдын апрель айында Стамбулда Экономикалык Кызматташтык жана Өнүктүрүү Уюму тарабынан уюштурулган Стратегиялык маанилүү кендер боюнча форумга катышкан Форумда сөз сүйлөгөн министр Кыргызстан эл аралык отчеттуулук стандарттарын киргизүүнү жана жер казынасын пайдалануу секторунда ачыкка чыгаруу талаптарын күчөтүүнү улантып жатканын баса белгиледи. Ал белгилегендей, бул тармактагы ачык-айкындуулуктун жогорулашына өбөлгө түзүп, инвестор менен элдин ишенимин бекемдейт Мындан тышкары, форумдун алкагында Акыл Токтобаев Түркиянын энергетика жана жаратылыш ресурстары министри Алпарслан Байрактар менен эки тараптуу жолугушуу өткөрдү. Тараптар жер казынасын пайдалануу жаатындагы кызматташтыкты мындан ары өнүктүрүүнү жана эки өлкөнүн ортосундагы өз ара аракеттенүүнү кеңейтүүнү талкуулашты Буга чейин Евробиримдик жыйырма жылдан кийин Кыргызстанды аба коопсуздугу боюнча кара тизмеден чыгарган