Кувейт Иранга нота берип, дипломаттарын "персона нон грата" деп жарыялады

Ирандын убактылуу ишенимдүү өкүлү Кувейттин Тышкы иштер министрлигине чакырылды “Kuwait Times” гезитинин кабарына караганда, ирандык дипломатка Тегерандын аракеттерине байланыштуу расмий нааразылык билдирилген Ошол эле учурда Кувейттин бийликтери Ирандагы дипломатиялык өкүлчүлүктүн кызматкерлеринин санын кыскартып, эки ирандык дипломатты "персона нон грата" деп жарыялашты жана алардан 24 сааттын ичинде өлкөдөн чыгып кетүүсүн талап кылды Бул чечим Ирандын Кувейтке жасаган аба соккусуна байланыштуу кабыл алынды Кувейттин Коргоо министрлиги Иран тарабынан учурулган 13 баллистикалык ракета жана 17 учкучсуз учуучу аппараттын зыянсыздандырылгандыгын жарыялады. Ракетанын калдыктары турак жайларга түшкөнү маалымдалган Министрликтин басма сөз катчысы Сауд Абдулазиз аль-Отайби кол салууну "Ирандын кылмыштуу агрессиясы" деп атап, жарандык объектилер, анын ичинде Кувейт эл аралык аэропорту бутага алынганын белгиледи Маалыматка ылайык, кол салуудан бир адам, Индиянын жараны каза болуп, 60тан ашуун адам жаракат алып, материалдык жактан олуттуу зыян келтирилген Расмий Тегеран АКШнын Иранга жасаган чабуулдарына Кувейт менен Бахрейн түздөн-түз жооптуу экенин билдирди