Кувейт Иран боюнча чечим чыгарды

Кувейт бийлиги эл аралык аэропортко кол салуудан улам Иран элчилигинин кызматкерлеринин санын кыскартуу жана эки ирандык дипломатты өлкөдөн чыгаруу чечимин кабыл алды Бул тууралуу Кувейттин Тышкы иштер министрлигинин билдирүүсүндө айтылат Modern.az сайты Маалыматка ылайык, Кувейттин тышкы иштер министринин орун басары Ирандын бул өлкөдөгү убактылуу ишенимдүү өкүлүн Тышкы иштер министрлигине чакырып, расмий нааразылык нотасын тапшырган Документте Иран элчилигинин кызматкерлеринин санын кыскартуу жана эки дипломатты “персона нон грата” деп жарыялоо чечими камтылган. Ал дипломаттарга 24 сааттын ичинде Кувейттин аймагынан чыгып кетүүгө буйрук берилген Кувейттин Тышкы иштер министрлиги бул кадам баллистикалык ракеталар менен учкучсуз учактардын жарандык объектилерге, анын ичинде эл аралык аэропортко жасалган соккусуна жооп катары жасалганын билдирди. Кол салуунун натыйжасында бир адам каза болуп, ондогон адамдар жарадар болгон Буга чейин Кувейттин Жарандык авиациясынын башкы башкармалыгы эл аралык аэропорттун Т1 жүргүнчү терминалына Ирандан учурулган ракеталар жана учкучсуз учактар тарабынан чабуул жасалганын билдирген Кувейттин Тышкы иштер министрлигинин маалыматына караганда, соккунун натыйжасында бир адам каза болуп, олуттуу материалдык чыгым келтирилген. Кийинчерээк Индиянын Тышкы иштер министрлиги маркум Индиянын жараны экенин билдирген Кувейттин Саламаттыкты сактоо министрлигинин маалыматы боюнча, кеминде 63 адам, анын ичинде аэропорттун кызматкерлери жана жүргүнчүлөр ар кандай деңгээлдеги жаракаттарды алышкан