Кремлдин Ереванга каршы соода согушу: Розалар, жашылчалар, эми спирт

Орусия тарап Армениядан ташылып келген сапатсыз алкоголдук продукцияны таап, сатууга тыюу салды Modern.az россиялык басма сөзгө таянуу менен «Роспотребнадзор» (Керектөөчүлөрдүн укуктарын жана адамдын жыргалчылыгын коргоо жаатындагы көзөмөл федералдык кызматы) армяндык «Веди-Алко», «Абовян коньяк заводу» жана «Шахназарян Вине» компанияларынын продукцияларында эреженин одоно бузулушун каттаганын билдирди. Тыюу салынган продукциялардын арасында “Гетап Вернашен” шарабы, ошондой эле “Армян коньягы 5 жылдыз” жана “Шахназарян ХО” коньяк бренддери бар Эске сала кетсек, буга чейин "Роспотребнадзор" Армениянын белгилүү "Чермук" минералдык суусун Орусиянын аймагына ташууну токтоткон. Дагы бир көзөмөл органы - "Россельхознадзор" Армениядан гүл алып келүүгө 22-майдан тарта чектөө киргизди. Мындан тышкары, Армениядан алынып келинген жашылча-жемиштерге байланыштуу эки өлкөнүн ортосунда ушундай көйгөйлөр бар