Кремль: Украинадагы процесс токтоп турат

Учурда Украина жаңжалы боюнча ортомчулук процесси тыныгууда, деп билдирди Орусия президентинин басма сөз катчысы Дмитрий Песков. Ошол эле учурда америкалык сүйлөшүүчүлөр Орусия менен байланыштарын улантууда «Байланыштар биз менен болгон каналдар аркылуу да, украиндер менен да уланууда», - деди Песков. Ал белгилегендей, АКШ президентинин атайын өкүлү Стив Виткофф жетектеген америкалык делегациянын келээринин так күнү жок, бирок Россиянын президенти Владимир Путин менен АКШ лидери Дональд Трамптын сүйлөшүүсү тез арада макулдашылышы мүмкүн Песков европалык өкүлдөр “арачы болууга даяр эмес” деп белгиледи. "Орусиянын алдына кандайдыр бир шарттарды коюу менен ортомчулук аракеттерди баштоо логикага сыйбайт, бул туура эмес. Анан, албетте, бул биз үчүн кабыл алынгыс", - деп белгиледи басма сөз катчы 8-июнда Орусиянын тышкы иштер министри Сергей Лавров Украинадагы жаңжалды жөнгө салуу боюнча сүйлөшүүлөрдү Европа өлкөлөрү менен Киевдин Орусиянын терең аймактарына сокку уруу үчүн алыс аралыкка атуучу курал-жарактарды жеткирүү боюнча макулдашуусунун фонунда күмөн санады. Ошол эле учурда Лавровдун айтымында, АКШ Анкориджде мурда жетишилген макулдашууларга кайтууга кызыкдар эмес