Кремль Москвадагы парадга Батыш маалымат каражаттарынын аккредитациясын жокко чыгарды

Орус бийликтери 9-майда Кызыл аянтта өтүүчү парадга чет элдик журналисттерге жөнөтүлгөн чакырууларды кайра чакыртып алды. Der Spiegel орус президентинин администрациясына таянып жазганына караганда, ага саналуу гана орусиялык маалымат каражаттарынын өкүлдөрү катыша алат "Учурдагы кырдаалга байланыштуу парадды чагылдыруунун форматы өзгөртүлдү. Андыктан буга чейин аккредитациядан өткөн чет элдик ЖМКларга мындан ары уруксат берилбейт", - деп билдирди орус бийлиги журналисттерге Атап айтканда, Der Spiegel, ARD, ZDF (Германия) жана Sky (Улуу Британия) медиа компаниялары, AFP агенттиги, ошондой эле италиялык жана жапон телерадиокомпаниялары - Rai жана NHK чакыруулары жокко чыгарылды Кремлдин басма сөз катчысы Spiegelге "азыркы кырдаалга байланыштуу парадды чагылдыруунун форматы өзгөртүлдү" деди. Буга чейин орус бийлиги батыш журналисттеринин аккредитациясын тастыктап, аларга Жеңиш күнүнө карата Москванын борборундагы иш-чаралардын графигин жөнөткөн. Андан кийин чечим жокко чыгарылды - бул Орусиядагы парад учурунда биринчи жолу болду, деп белгилейт Der Spiegel. Чакыруулар так качан жөнөтүлүп, кайра кайтарылып алынганы айтылган эмес Бул жылы Орусия атайын чет элдик конокторду парадга чакырган жок, деп билдирди 7-майда Орусиянын президентинин жардамчысы Юрий Ушаков, себебин тактаган жок, бирок 2025-жылы Жеңиштин 80 жылдыгы белгиленип жатканда парадга көптөгөн чет элдиктер катышканын эске салды Кызыл аянттагы азыркы парад 2007-жылдан бери биринчи жолу аскердик техникасыз өткөрүлөт. Мындан тышкары орус бийлиги Суворов жана Нахимов аскер окуу жайларынын студенттерин, ошондой эле кадет корпусунун студенттерин катышуудан баш тартты