“Конституционализм жана санариптик укук” илимий-изилдөө институту түзүлөт

Өлкөбүздүн жогорку окуу жайларынын биринде “Конституционализм жана санариптик укук” илимий изилдөө институту түзүлөт. Бүгүн белгилүү илимпоздор, юристтер, билим берүү тармагынын адистери жолугушуп, жаңы институттун максаттарын жана милдеттерин талкуулашты. Илимий-изилдөө институту Конституциялык Сотко чет мамлекеттердин эң мыкты мыйзам жоболоруна таянуу менен маанилүү чечимдерди кабыл алуу, мыйзамдардын кабыл алынганга чейинки чийки жерлерин аныктоо үчүн көз карандысыз илимий кеңештерди берет. Ошондой эле жасалма интеллектти көзөмөлгө алып, элдин укуктук сабаттуулугун жогорулатууга жардам берет. Жыйында ошондой эле жаңыланган Конституциянын өзгөчөлүктөрү, мамлекеттик түзүлүштү өнүктүрүү жана интернет мейкиндигинде адам укуктарын коргоо маселелери талкууланды