Конгодо Эбола оорусу күч алууда: жуктуруп алгандардын саны дээрлик 500гө жетти

Бүткүл дүйнөлүк саламаттыкты сактоо уюму Борбордук Африкада Эбола оорусунун 500гө жакын тастыкталган учурун кабарлап, азыркы эпидемия көзөмөл башталгандан бери оорунун эң ири очокторунун бири болуп калышы мүмкүн экенин эскертти Дүйнөлүк саламаттыкты сактоо уюмунун акыркы маалыматы боюнча, Конго Демократиялык Республикасында 452 адам вирусту жуктуруп алганы тастыкталып, 82 адам каза болду. Коңшу Угандада 19 адам бул илдетти жуктуруп, экөө каза болду. Ошентип, жалпы көрсөткүч 471 учурду жана 84 өлүмдү түздү. Алардын ичинен вирусту жуктуруп алгандардын саны 100гө, каза болгондордун саны бир күндө 20га көбөйгөн Эпидемиянын очогу расмий түрдө 15-майда Конго Демократиялык Республикасынын түндүк-чыгышында деп жарыяланган. Бирок адистердин айтымында, вирус мурда байкалбай жайылып кеткен болушу мүмкүн Оорунун козгогучу Эболанын сейрек кездешүүчү Bundibujo штаммына таандык. Учурда ага каршы бекитилген вакцина же атайын дарылоо жок ДСУ бул кырдаалга эл аралык маанидеги өзгөчө кырдаал статусун берди. Ооруну болжолдоо жана талдоо борборунун директору Джейсон Ашер эпидемиянын масштабы 2014-жылы Батыш Африкадагы эң ири эпидемия деңгээлине жетиши мүмкүн экенин четке каккан жок Вирустун жайылышын ооздуктоо үчүн ДСУ Африканын Ооруларды көзөмөлдөө жана алдын алуу борборлору менен биргеликте 518 миллион долларлык иш-аракеттер планын иштеп чыкты. Каражат эпидемиялык көзөмөлдү күчөтүүгө, лабораториялык диагностиканы кеңейтүүгө жана эпидемиялык аймактарда инфекциялык коопсуздук чараларын жакшыртууга багытталат