Компьютердик клубдун жанындагы жаңжал кайгылуу аяктады: Алматыда эки жашы жете элек өспүрүм каза болду

Социалдык тармактарда кеңири резонанс жараткан окуя 30-апрелге караган түнү болгон.Алдын ала маалымат боюнча, жаңжал компьютердик клубдардын биринде башталып, андан соң көчөдө уланып, массалык мушташка чейин жеткен Мушташ учурунда катышуучулардын бири бычак колдонгон. Эки өспүрүм оор жаракат алып, медициналык мекемеге жеткирилген, бирок аларды сактап калууга мүмкүн болгон эмес. Каза болгондордун бири 17 жашта экени кабарланды "Анын досу жардам сурап кайрылган. Ал жерде 10 чакты жигит бар болчу. Мушташ чыгып, бири Ешимди жүрөгүнө бычак сайган. Балам ачууланып артынан чуркап кеткен. Ошол жерден дагы бычак сайышкан", — деди жабырлануучулардын биринин апасы Айгерим Тавакелова Укук коргоо органдарынын маалыматы боюнча, ыкчам-издөө иш-чараларынын алкагында окуянын бардык катышуучулары аныкталып, кармалган. Шектүүлөрдүн арасында 17 жаштан 20 жашка чейинки жаштар бар. Кол салууларды түздөн-түз жасагандар буга чейин камакка алынган Алматы шаардык ички иштер башкармалыгы тактагандай, адам өлтүрүү фактысы боюнча кылмыш иши козголду. Кармалгандардын баары убактылуу кармоочу жайга киргизилди "Сотко чейинки иликтөө иштеринин алкагында алардын ар биринин аракетине юридикалык баа берилип, болгон окуяга катыштыгы жана ролу аныкталат. Окуянын бардык жагдайларын ар тараптуу, толук жана объективдүү аныктоого багытталган тергөө иш-чараларынын комплекси жүргүзүлүүдө", - деп билдирди шаардык ИИБнын басма сөз кызматы Тергөө иштеринин жүрүшү Ички иштер министрлигинин жана шаардык ички иштер башкармалыгынын жетекчилигинин өзгөчө көзөмөлүндө