Шуша женундегу китеп Иракта адабий сыйлык алды

Ирактык профессор Мутаз Мухи Абдулхамиддин “Шуша – Азербайжан бермети” аттуу китеби Иракта саякат адабияты тармагында Нажи Жавад ал-Саати атындагы сыйлыкка татыктуу болду AZERTAc агенттигинин маалыматына ылайык, саякатчы, жазуучу жана юрист Нажи Жавад ал-Саатинин мурасын сактоо комитети жана Багдаддын маданий борбору сыйлыктын он алтынчы чыгарылышынын жыйынтыгын жарыялашты. Олуттуу академиялык жана адабий баалоодон кийин “Шуша – Азербайжан бермети” китеби сыйлыкка татыктуу деп табылды. Азербайжандын Ирактагы элчилигинин колдоосу менен Шуша шаарынын жылына карата иш-чаралардын планынын алкагында жарык көргөн китеп “Шуша – Карабах хандыгынын борбору” жана “Согуш менен тынчтыктын ортосундагы Шуша шаарынын маданий мурасы” деген эки бөлүмдөн турат. Кириш сөзүндө автор 44 күнгө созулган Ата Мекендик согуш тууралуу маалымат берип, анын башталышынын тарыхый жана саясий себептерине токтолуп, ошондой эле Азербайжан Республикасынын Президентинин согуш учурунда сүйлөгөн сөздөрүн жана интервьюларын келтирип, бир катар жагдайларды тактаган. Бул бөлүк ошондой эле БУУнун төрт белгилүү резолюциясы жана ар кандай эл аралык уюмдардын билдирүүлөрү жөнүндө маалыматтарды чагылдырат Биринчи главада Шуша шаарынын түптөлгөндөн тартып бүгүнкү күнгө чейинки мезгили камтылган анын тарыхы жөнүндө айтылат. Тарыхый булактарга жана европалык чыгыш таануучулардын пикирлерине таянуу менен автор бул шаар байыркы азербайжан шаары экенин далилдейт «Согуш менен тынчтыктын ортосундагы Шуша шаарынын маданий мурасы» деп аталган экинчи бөлүм Шуша шаарынын маданиятынын темаларын камтыган бир нече бөлүмчөлөрдөн турат. Автор Шуша шаарынын бай маданий мурастары жана көрүнүктүү инсандары тууралуу маалымат берет. Шушиликтердин жараткан маданияты бир гана азербайжан эли үчүн эмес, ислам дүйнөсүнүн маданий мурастары үчүн да кайталангыс үлгү экени баса белгиленет. Бул бөлүктө автор Шуша шаарында тургузулган материалдык маданият эстеликтери, мечиттер, чиркөөлөр жана храмдар, кербен сарайлар жана базарлар, хан сарайлар, музейлер жана китепканалар, алардын оригиналдуу архитектуралык стили жана тарыхый мааниси жөнүндө кеңири маалымат берет