Казакстандын УКМКсы куудул Нурлан Сабуровду жалданмачылык беренеси боюнча текшерүүнү аяктады

Казакстандын Улуттук коопсуздук комитети стенд-апчы Нурлан Сабуровду жалданмачылыкка тыюу салган мыйзамды бузуу фактысы боюнча текшерүүнү аяктады «Текшерүү иш-чараларынын жыйынтыгында мыйзам бузуунун белгилери аныкталган жок деп маалымдайбыз», — деп билдирди Tengrinews.kz сайтынын суроосуна ведомствонун басма сөз кызматы Текшерүүгө Казакстандын Башкы прокуратурасына активист Марат Турымбетовдун Сабуров Орусиянын Украинага каршы согушуна катышып жаткан «Вагнер Истра Легион» бөлүгүнө 10 мотоцикл өткөрүп жаткан видеосу боюнча билдирүүсү себеп болгон. Видео Сабуров Орусиядан чыгарылгандан кийин тараган Жалданмачылык беренеси боюнча Казакстанда жети жылдан 12 жылга чейин эркинен ажыратуу каралган Сабуров 6-февралда Москванын Внуково аэропортунда кармалып, 50 жылга Орусияга кирүүгө тыюу салынган. Сүрөтчү Казакстанга кайтып келип, соцтармактардагы профилин тазалап, жагдайды түшүндүрүүдөн баш тартып, чоо-жайын адвокаттар жана компетенттүү органдар чечип жатканын айтты «Маанилүү окуялар» Сабуровдун таанышына шилтеме жасап, тыюу салууну ФСБнын Конституциялык түзүлүштү коргоо жана терроризмге каршы күрөшүү кызматы (Экинчи кызмат) жана анын жетекчиси Алексей Жало демилгелегенин жазган. Негизги себеп, маектешинин айтымында, куудулдун тамашаларына көп даттануу эмес, анын ФСБ менен кызматташууну каалабагандыгы болду Мындан улам Казакстандын жарандыгын алган Сабуровго Орусияда жашоого уруксат үч жолу берилген эмес, дейт булак. Куудул досунун айтымында, Сабуров өзүнүн “россиячыл” позициясын көрсөтүүгө аракет кылган: ал “Баары Жеңиш үчүн” фондуна эки миллион рубль которгон жана “Түндүк аскер округунун муктаждыктары үчүн” он мотоцикл берген, бирок бул атайын кызматтын чечимине таасир эткен эмес Нурлан Сабуров – Казакстанда туулган, Stand Up жана “Эми эмне болду?” шоуларынын негизги катышуучуларынын жана алып баруучуларынын бири катары Россияда кеңири таанылган стенд-апчы жана телеалпаруучу. Акыркы жылдары ал негизинен Россияда жашап, иштеп, ири шаарларда концерт коюп, популярдуу интернет долбоорлорго катышкан 2022-жылдын февралында Орусиянын Украинага толук масштабдуу басып кирүүсү башталгандан бери Сабуров ачык эле саясий билдирүүлөрдөн качкан, бирок анын позициясы бир нече жолу талкуу жана сындын предмети болуп келген. Согуштун алгачкы айларында, ал, сынчылардын айтымында, ал жетиштүү ачык-айкын болуп жаткан окуяларга өз мамилесин билдирген эмес, сүйлөгөн сөздөрүнөн кийин аудиториянын бир бөлүгү тарабынан сынга алынган Azattyk Asia © 2026 RFE/RL, Inc. | Бардык укуктар корголгон