КМБИ банктардын атынан жасалма кредиттик баракчаларды түзгөн жарандарды кармады - ВИДЕО

ИИМдин Кибер кылмыштуулукка каршы күрөшүү башкармалыгына түшкөн кайрылууларда жарандар социалдык тармактардагы банктарга жана кредиттик уюмдарга окшош фейк баракчаларга алданып, натыйжада банктык картадагы акча каражаттары уурдалганын билдиришкен ИИМдин басма сөз кызматы билдиргендей, киберполиция кызматкерлери тарабынан көрүлгөн ыкчам-техникалык иш-чаранын натыйжасында жогорудагы фактыларды жасоого шектелген дагы эки адам: 20 жаштагы Жафар Байрамзаде жана 23 жаштагы Эйнулла Майлов аныкталып, кармалган Алар социалдык тармактарда ар кандай банктык жана банктык эмес кредиттик уюмдардын расмий баракчаларына окшош жасалма профилдерди түзүп, жарандарга «төмөн пайыздуу», «тез» жана «күрөөсүз насыяларды» сунушташкандыгы изилдөөлөр тарабынан аныкталган. Жабырлануучулар Ж.Байрамзаде жана Э.Майлов тарабынан жөнөтүлгөн фейк шилтемелерге карта номерлерин, CVV жана OTP коддорун киргизгенден кийин, бул маалыматтар түздөн-түз ошол адамдар тарабынан көзөмөлдөнүп турган. Натыйжада алар эсептерге мыйзамсыз кирип, акча каражаттарын ар кандай карталарга которуп, кийинчерээк накталай алышкан Аталган факты боюнча Башкы башкармалыкта кылмыш иши козголду. Соттун чечими менен Э.Майловго карата баш коргоо чарасы тандалып, Ж.Байрамзадеге карата тергөө амалдары уланууда «Дагы бир жолу жарандардын көңүлүнө насыялык жана башка каржылык кызматтарды колдонууда расмий жана лицензиялык платформаларга гана ишенип, карта маалыматын белгисиз шилтемелер менен бөлүшпөшү керектигин, шектүү жагдайларга туш болгондо дароо милицияга кайрылуу керектигин эскертебиз», - деп эскертти ИИМ