Өкүлдөр палатасы Ирандагы согушка каршы резолюция кабыл алды

АКШ Конгрессинин Өкүлдөр палатасы президент Дональд Трамптын Конгресстин макулдугусуз Ирандагы согушту улантууга тыюу салган резолюцияны жактырды. Республикалык партиянын бир нече өкүлдөрү демократтар менен бирге бул демилгени колдоп добуш беришти. Биринчи жолу Конгресстин төмөнкү палатасы аталган конфликт боюнча Ак үйдүн позициясына каршы чыкты. Байкоочулардын баамында, Иранга каршы согушту Трамптын өнөктөштөрү деле колдобойт. 60 күндүк элдешүү 1-майда аяктаганда Трамп Конгресске Иран менен согуш аяктаганын билдирген. Бирок иш жүзүндө карама-каршылык уланууда. Кечээ АКШ менен Ирандын аскерлери бири-бирине кол салганын кабарлаганбыз. Ошол эле күнү Трамп келечекте Тегеран менен сүйлөшүүлөрдө жылыш болушу мүмкүн экенин жарыялады