ЖМК: Уиткофф жана Кушнер өзөктүк эксперттер менен жолугушту

Америка Кошмо Штаттарынын президентинин атайын өкүлү Стив Уиткофф менен Жаред Кушнер Иран менен сүйлөшүүлөрдүн алкагында Теннесси штатындагы Оук Ридж улуттук лабораториясында консультация өткөрүштү Бул тууралуу “Axios” порталы билдирди Басылманын айтымында, Оук Риджде өткөн жолугушуу Вашингтон менен Тегерандын ортосунда келишим түзүлөт дегенди билдирбейт. Бирок бул кадам сүйлөшүүлөр олуттуу баскычка өткөнүн жана тараптар мүмкүн болуучу жыйынтыктарга даярданып жатканын айгинелейт "Бул келишим ишке ашат дегенди билдирбейт. Бирок бул сүйлөшүүлөр абдан олуттуу этапта экенинин белгиси, ийгиликке жетүүгө реалдуу мүмкүнчүлүктөр бар жана биз ага даяр болгубуз келет", - деди атын атагысы келбеген америкалык расмий өкүл Макалада Уиткофф менен Кушнер Омандагы Иран менен сүйлөшүүлөргө мурда катышкан өзөктүк эксперттер менен да Оук Риджде жолугушканы белгиленген Америкалык аткаминердин айтымында, консультацияларга Иран менен мүмкүн болгон келишимдин техникалык аспектилерин ишке ашырууда тажрыйбасы бар алдыңкы америкалык өзөктүк эксперттер катышты