Казакстан менен Кыргызстан стратегиялык өнөктөштүктү жана союздаштык мамилелерди өнүктүрүүгө умтуларын ырасташты

Жогорку даражалуу мейманды жылуу кабыл алып, Касым-Жомарт Токаев анын Казакстанга жасаган биринчи расмий сапарынын эки тараптуу мамилелерди чыңдоо үчүн өзгөчө маанисин баса белгиледи Мамлекет башчысы Кыргыз Республикасынын Жогорку Кеңешинин Төрагасынын Астанага болгон иш сапары эки тараптуу кызматташууга жаңы дем берерине ишенимин билдирди "Биздин өлкөлөрүбүздүн ортосунда эч кандай карама-каршылыктар же пикир келишпестиктер жок. Биз бир тууган эл катары жакшы коңшулук мамилебизди мындан ары да чыңдайбыз", - деди казак президенти "Кыргыз Республикасынын экономикасы тез темп менен өнүгүп жатат. Биз бул позитивдүү тенденцияны колдойбуз. Кыргыз Республикасынын БУУнун Коопсуздук Кеңешинин туруктуу эмес мүчөлүгүнө шайланышы Кыргызстандын өзү үчүн да, бүткүл Борбордук Азия үчүн да чындыгында тарыхый окуя. Бул маанилүү окуяга байланыштуу мен президент Садыр Нургожоевич Жапаровго өз куттуктоомду жолдогом", - деди Өз кезегинде Марлен Маматалиев Касым-Жомарт Токаевге жолугушуу үчүн ыраазычылык билдирип, Кыргыз Республикасынын Президенти Садыр Жапаровдун саламын айтты "Кыргыз тарап Сиздин жетекчилигиңиз астында ишке ашырылып жаткан, адилеттүү жана прогрессивдүү Казакстанды курууга бекем пайдубал түзгөн масштабдуу конституциялык реформаларды колдойт деп ишендиргим келет. Сизге жана бир тууган казак элине тынчтык, бакубатчылык жана пландаштырылган реформаларды ишке ашырууда мындан ары да ийгиликтерди каалайм", - деди Маматалиев Тараптар парламенттер аралык байланыштарды өнүктүрүү жана жогорку деңгээлде жетишилген эки тараптуу макулдашууларды натыйжалуу мыйзамдык жактан камсыздоо маселелерин талкуулашты Тараптар ошондой эле эки өлкөдө жүргүзүлүп жаткан системалуу социалдык-экономикалык кайра куруулар боюнча пикир алмашып, Казакстан менен Кыргызстандын ортосундагы стратегиялык өнөктөштүктү жана союздаштык мамилелерди ар тараптуу өнүктүрүүгө умтуларын ырасташты Буга чейин Казакстандын президенти Касым-Жомарт Токаев Садыр Жапаровду жана боордош Кыргызстан элин өлкөнүн БУУнун Коопсуздук кеңешинин мөөнөттүү эмес мүчөлүгүнө шайланышы менен куттуктаганы кабарланган