Казакстан «жаңы мунай» жана сейрек кездешүүчү металлдарды өндүрүүгө өтөт

Салттуу углеводород ресурстарынын акырындык менен түгөнүп бараткан фонунда Казакстан стратегиялык жана сейрек кездешүүчү металлдарды геологиялык изилдөөгө багыт алууда. inbusiness.kz порталынын маалыматы боюнча, өткөн жылы өлкөдө 17 жаңы кен табылган, бул глобалдык энергетикалык өткөөл шартта дүйнөлүк чийки зат рыногунда негизги оюнчу статусун тастыктайт Басылма жазгандай, коңшу республикада геологиялык чалгындоо иштеринин масштабы 2 миллион км²ден ашык аянтка жетти. Тармакты чыңдоо үчүн өкмөт жакынкы үч жылда мамлекеттик геологиялык чалгындоо иштерине 240 миллиард теңгеге жакын каражат бөлүүнү пландаштырууда. Маалыматтардын тактыгын жогорулатууга өзгөчө көңүл бурулууда: 2028-жылга чейин өлкөдө 14 миллиард теңгеге заманбап лабораториялык комплекс ишке киргизилет, ал алынган үлгүлөрдү терең анализдөөгө мүмкүндүк берет Коңшу өлкөнүн минералдык-сырьелук базасында бүгүнкү күндө 10 миңге жакын кен бар. Тастыкталган запастардын түзүмүндө олуттуу үлүштү алтын (2369 тонна), мунай (4,3 млрд тонна) жана темир рудасы (26,7 млрд тонна) ээлейт. Бирок, негизги тенденция литий, бериллий, тантал жана ниобий кендерин иштетүү - электромобилдерди, электроника жана жогорку технологиялык жабдууларды өндүрүү үчүн маанилүү металлдар Геологиялык чалгындоо иштерин активдештирүүнүн объективдүү себеби бир катар аймактарда мунай өндүрүүнүн төмөндөшү болду – акыркы 11 жылдын ичинде резервуарлардын түгөнүшүнө байланыштуу кээ бир райондордо көрсөткүчтөр үч эсеге азайган. Жер казынасын өнүктүрүүнүн учурдагы стратегиясы казып алууга комплекстүү мамилени болжолдойт, мында бир кенден бир эле учурда пайдалуу кендердин бир нече түрү алынган