Канада көп жылдык чектөөлөрдөн кийин түрк дрондорун сатып алышы мүмкүн

Канада 7 жыл мурун өзү аларды өндүрүү үчүн тетиктерди жеткирүүнү чектегенине карабастан, түрк дрондорун сатып алуу мүмкүнчүлүгүн карап жатат Бул тууралуу Middle East Eye маалымат булактарына таянып билдирди. Оттаванын чалгындоо жана байкоо жүргүзүү үчүн арналган түрктөрдүн орто бийиктиктеги жана узак учуу мөөнөтүндөгү учкучсуз учактарын сатып алууга кызыкдар экени белгиленди. "Бул 2019-жылы Түркиянын Сириядагы аскердик операциясынын фонунда эмбарго киргизген Канаданын саясатында олуттуу өзгөрүү болгондугун билдирет. Андан кийин санкциялар түркиялык учкучсуз учактарды өндүрүүчүлөр Baykar жана TAI тарабынан колдонулган канадалык Wescam компаниясынын электро-оптикалык жана инфракызыл камераларын жеткирүүнү камтыды", - деп айтылат макалада Бирок булактын айтымында, сүйлөшүүлөр азырынча башталгыч баскычта жана конкреттүү макулдашууларга жетишпей калышы мүмкүн. Middle East Eye журналынын айтымында, Канаданын позициясынын өзгөрүшү, башка нерселер менен катар, курал берүүчүлөрдү диверсификациялоо жана америкалык коргонуу рыногуна көз карандылыкты азайтуу каалоосуна байланыштуу Канаданын премьер-министри Карнинин июль айында НАТО саммити учурунда Түркияга келиши күтүлүүдө. Мындан тышкары, күзүндө өзүнчө расмий сапар болушу мүмкүн, анын жүрүшүндө тараптар коргонуу тармагындагы кызматташтыктын жаңы долбоорлорун, анын ичинде учкучсуз технологиялар тармагын талкуулоону пландаштырууда Өткөн аптада Канаданын Коргонуу сатып алуу боюнча мамлекеттик катчысы Стамбулда сүйлөгөн сөзүндө Оттаванын Түркия менен түрдүү тармактарда, анын ичинде коргонуу өнөр жайында кызматташтыкты тереңдетүүгө даяр экенин билдирди. Кийинчерээк ал потенциалдуу өнөктөштүктүн негизги багыттары катары ок-дарыларды, дрондорду жана каршы учкучсуз системаларды өндүрүүнү атады