Камчыбек Ташиев балдар үчүн кичи футбол аянтчасын ачты

Сокулук районунун Кызыл-Суу айылында жаңы кичи футбол аянтчасы ачылды. Салтанатка Камчыбек Ташиев катышты Спорт имараты Кыргызстандын футбол союзу тарабынан курулган. Ачылыш учурунда Ташиев жергиликтүү балдар менен баарлашып, аларды спортко үндөдү "Бул сиздерге Кыргызстандын футбол союзунун жетекчилигинин белеги. Жакшы ойногула, талааны жакшы көргүлө. Бир нерсе сынып калса чоңдорго айткыла. Сөгүнбөгүлө, футбол ойногонду үйрөнгүлө. Аракет кылсаңар мыкты футболчулар чыгасыңар. Силер үчүн бардык шарттар түзүлгөн", - деди ал Кошумчалай кетсек, ушул эле күнү Ташиев айылда жашаган көп балалуу үй-бүлөгө үй белекке берди Белгилей кетсек, акыркы күндөрү Камчыбек Ташиев кызматтан кетип, кылмыш иши козголгондон кийин көп убакыттан кийин кайра эл алдына чыга баштаган Буга чейин Камчыбек Ташиев да Кыргызстандын футбол союзун жетектеп, бирок мөөнөтү аяктаганына байланыштуу кызматтан кетип, жаңы шайлоого катышкан эмес