Кыргыз Республикасынын Министрлер Кабинети мамлекеттик кызматкерлерге ай сайын 5 миң сомдон компенсациялоону киргизди

Кыргызстанда апрель айынан тарта мамлекеттик органдардын жана жергиликтүү өз алдынча башкаруу органдарынын ишмердүүлүгүн камсыз кылган кызматкерлерге ай сайын 5 миң сом өлчөмүндө президенттик компенсация төлөнүп бериле баштады. Тиешелүү токтомго министрлер кабинетинин төрагасы Адылбек Касымалиев кол койду Мындай чечим президенттин март айындагы жарлыгын ишке ашыруунун алкагында кабыл алынды. Белгиленген 5 миң сом өлчөмүндөгү төлөм эмгек өргүүсүн, убактылуу эмгекке жарамсыздыгы боюнча жөлөкпулдарды жана 13-айлыкты эсептөөдө эсепке алынбайт. Ошондой эле бийик тоолордо жана алыскы жетүүгө кыйын аймактарда иштегендиги үчүн коэффициенттер жана бонустар эсептелбейт Токтом күчүнө кирди жана 1-апрелден тарта колдонулат Кыргызстандагы негизги экономикалык жаңылыктарга көз салыңыз - Telegram жана WhatsApp тармактарындагы Economist.kg каналдарына жазылыңыз. Биз ошондой эле Facebook, Instagram, Threads жана X тармактарындабыз. Бизге кошулуңуз жана ар дайым эң маанилүү нерселерден кабардар болуңуз!